Monumento Natural
O Monumento Natural Costa de Dexo localízase no Concello de Oleiros (A Coruña). Percorre a franxa marítima que se atopa entre os Faros de Mera e o Porto de Lorbé e inclue a totalidade de illas e illotes próximos á costa. Esta franxa costeira é unha das poucas áreas naturais ben conservadas de toda a costa ártabra. Este feito, xunto á singularidade dos seus ecosistemas e hábitats, e á súa xeomorfoloxía e paisaxe foron os motivos de que, no ano 2000, fose declarada Monumento Natural.
- Superficie: 347 ha
- Altitude media: 6 m
Costa acantilada onde nidifican algunhas especies de aves mariñas como o corvo mariño cristado, a gaivota patiamarela e aves ripícolas singulares como o andurón.
Hábitats:
- Bancos de area cubertos permanentemente por auga mariña, pouco profunda.
- Esteiros.
- Cantís con vexetación das costas atlánticas e bálticas.
- Uceiras secas atlánticas costeiras de Erica vagans.
Fauna:
- Andurón (Apus melba)
- Gaivota patiamarela (Larus cachinnans)
- Corvo mariño cristado (Phalacrocorax carbo)
- Lagarto das silvas (Lacerta schreiberi)
Se queres máis información sobre o monumento natural podes descargarte os seguintes documentos: