Centro de Documentación Domingo Quiroga | CEIDA

Centro de Documentación Domingo Quiroga

O Centro de Documentación Ambiental Domingo Quiroga é un centro especializado na temática ambiental, sendo as súas principais áreas temáticas a Educación Ambiental, a Conservación e o Desenvolvemento Sustentable.
O seu funcionamento é similar ao dunha biblioteca especializada e alberga nas súas instalacións un amplo e variado fondo documental composto por libros, revistas, audiovisuais, folletos ou literatura gris.


Este centro forma parte dunha rede estatal, RECIDA (Rede de Centros de Información e Documentación Ambiental), que reúne a máis de 100 bibliotecas e centros de documentación representantes das distintas autonomías do estado español.

Servizos

  • Consulta en sala.
  • Préstamo de documentos en sala (cinco documentos durante 15 días renovables) ou por envío postal (cinco documentos durante 1 mes).
  • Búsquedas especializadas de documentación en Internet.
  • Envío de boletíns mensuais de novidades bibliográficas e información ambiental de actualidade.

Fondos

A importancia do centro de documentación radica na singularidade e especialización dos seus fondos:

  • Documentos técnicos, científicos ou divulgativos, así como un amplo número de recursos didácticos.
  • Revistas especializadas cun rápido acceso aos seus artigos.
  • Proxectos, informes, e documentación inédita.
  • Documentais educativos e divulgativos.
  • Folletos e carteis.
  • Recursos electrónicos dispoñibles en Internet.

Catálogo

O centro dispón dun catálogo en liña que permite coñecer a dispoñibilidade da documentación existente e consultar o historial de préstamos. Si vostede é usuario, poderá ademáis xestionar reservas, renovar préstamos, crear listas de favoritos, comentar os materiais ou compartilos cos seus amig@s nas redes sociais. Pode acceder ao catálogo a través da seguinte dirección: documentacion.ceida.org

¿Quen pode acudir ao centro?

O centro está aberto para todas as personas que procuran información de carácter ambiental, ben para aqueles que desexan coñecer e disfrutar máis do seu entorno, ou ben para quen a precisa como ferramenta no seu ámbito profesional. O único requisito é cumprimentar unha ficha cos datos persoais para poder darse de alta na base de datos de usuarios.
Se está interesado en darse de alta como usuario do centro, cumprimente o seguinte formulario

Horario

- Horario de inverno (setembro-xuño): de luns a venres, de 9.00 h. a 14.00 h., e sábados de 11 a 14 h.
- Horario de verán (xullo-agosto): de luns a venres, de 9 a 14 h. e de 17 a 20 h., e sábados de 11 a 14 h.

Guías de Recursos

O Centro de Documentación edita de maneira periódica guías de recursos temáticas que recollen tanto materiais dispoñibles no centro como outros recursos electrónicos que se poden descargar a través da rede. Os humedais, a xestión ambiental municipal, os recursos audiovisuais, a xestión do litoral, etc. son algunas das temáticas escollidas. Pode consultar as guías de recursos editadas na seguinte ligazón

Ciclo de Cine Ambiental Butaca Verde

O Centro pon a disposición de todas as entidades e colectivos galegos o Ciclo de Cine Ambiental e Solidario BUTACA VERDE, co obxectivo de fomentar e facilitar a realización de actividades de carácter ambiental. Esta actividade oferta cinco ciclos de cine diferentes compostos por tres documentais cada un e que recollen algunhas das principais problemáticas ambientais e sociais dos nosos días. Poden solicitalos todas aquelas persoas ou entidades (concellos, centros educativos, asociacións, entidades culturais, etc.) que dispoñan dun espazo habilitado para as proxecións, que deberán realizarse de maneira pública e gratuita.Máis información