Exposicións anteriores
Rehabitando a Tinería
Do 3 ao 28 de xuñoAmosa as actuacións de rehabilitación que a Consellería de Vivenda e Solo está a levar a cabo no Barrio da Tinería –en pleno centro histórico de Lugo-. Recupérase así un valioso patrimonio arquitectónico desta parte da cidade. Trátase dunha contribución á conservación e á recuperación dun barrio que forma parte da historia da cidade, dende cuxas rúas se poden contemplar as torres da catedral e no que moitos dos seus edificios comparten espazo coa Muralla romana. [Máis]
O noso mundo, o noso futuro, a nosa opción
Do 8 de abril ao 31 de maio
Moitas das actividades que realizamos na nosa vida cotiá provocan, directa ou indirectamente, emisións de gases de efecto invernadoiro, e por tanto contribúen a un dos principais problemas ambientais deste século: o cambio climático. A subida do nivel do mar, as vagas de calor, tormentas, inundacións, ...son algunhas das consecuencias, que por todo o planeta, provocara o cambio climático. Nas nosas mans está impedir que isto aconteza, pero, é preciso que todos os actores sociais se involucren na loita contra este fenómeno global. [Máis]
A natureza mariña galega
Do 9 de febreiro ao 7 de abril
A mostra recolle unha ampla colección de cranios e maxilares de diferentes cetáceos: maxilares inferiores dun Cachalote (Physeter macrocephalus), cranio de Rorcual alibranco (Balaenoptera acutorostrata), Candorca (Orcinus orca), Golfiño común (Delphinus delphis), cetáceo cosmopolita e o máis abondoso do planeta, Golfiño riscado (Stenella coeruleoalba), Negrón (Pseudorca crassidens), Arroaz boto (Grampus gris [Máis]
O límite da mar
Dende o 11 de decembro de 2007 e ata finais de xaneiro de 2008
O arco de costa comprendido entre cabo Prioriño (na entrada da ría de Ferrol) e a praia de Valdoviño goza dun estado de conservación incrible, sobre todo si temos en conta a proximidade de núcleos de poboación relativamente importantes e o uso intensivo que se fai da costa nos meses estivais. [Máis]
Exposición itinerante sobre o Parque Nacional Marítimo-Terrestre das Illas Atlánticas de Galicia
Dende o 11 de decembro de 2007 e ata finais de xaneiro de 2008
A mostra da exposición itinerante sobre o Parque Nacional das Illas Atlánticas de Galicia ten como obxectivo a divulgación dos valores naturais e culturais do Parque Nacional, o achegamento da natureza aos cidadáns e a concienciación da poboación na conservación da natureza [Máis]
Exposición Voz Natura
do 15 de outubro e ata finais de novembro de 2007
Con esta exposición conmemórase o décimo aniversario do programa Voz Natura. Nestes dez anos participaron máis de 200.000 rapaces, que traballaron en 1.425 proxectos de recuperación de espazos degradados, limpeza de ecosistemas, reforestacións, plantacións e actividades de concienciación, entre outras. Os resultados dos seus traballos son visibles en calquera curruncho da xeografía galega. [Máis]
Áreas Mariñas Protexidas
do 3 ao 21 de setembro de 2007
Durante séculos os seres humanos vimos servíndonos sen miramentos dos recursos que o mar nos ofrece, tanto extraendo alimentos e materiais como aproveitándonos do seu "ilimitado" poder de asimilación de residuos (vertidos, mareas negras, productos químicos, etc.). Ao principio a degradación das augas foi lenta e silenciosa. Hoxe alcanzou unha magnitude alarmante. Nos últimos anos unha gran variedade de acordos a escala internacional veñen recoñecendo a necesidade de protexer os ecosistemas mariños [Máis]
Un mundo de enerxías
do 1 de agosto ao 1 de setembro de 2007
Un mundo de enerxía é unha exposición itinerante que intenta divulgar e potenciar o uso racional da enerxía con criterios de eficiencia e de aforro. Convértese nun espazo didáctico que permite aos visitantes participar nos divarsos aspectos do marco temático da enerxía: producción, transporte e consumo, que son elementos clave e determinantes no noso país; así como do planeta. [Máis]
Fotógrafos da Natureza 2007
do 4 ao 29 de xullo de 2007
As fotografías desta mostra amosan a preocupación e o interese dos autores por conservar a biodiversidade do planeta. As imaxes están captadas con emoción, co obxectivo de mostrar a beleza e o valor incomparable de diferentes aspectos do mundo natural que non podemos ver cos nosos propios ollos. A exposición, admirada por millóns de persoas en todo o mundo, convertese en embaixadora da vida na Terra e invita á reflexión sobre o destino do noso planeta. [Máis]
Amigo Lobo, lenda e realidade do Lobo Ibérico
do 1 de maio ata o 30 de xuño de 2007
Esta exposición monográfica sobre o Lobo está dedicada ao Dr. Rodríguez de la Fuente, o entrañable “Amigo Félix”, e o mellor amigo que tivo o Lobo no noso país, que durante moitos anos traballou na defensa desta mítica e emblemática especie. Esta exposición pretende dar a coñecer o Lobo ibérico como especie ameazada e promover a divulgación científica do lobo, desmitificando a súa figura como animal diabólico e perigoso. [Máis]