Programas de Educación Ambiental
O CEIDA está comprometido coa educación ambiental de todos os sectores sociais do país e articula, para acadar esta fin, unha serie de programas de educación e sensibilización ambiental dirixidos a todos os cidadáns e cidadás. Pola súa traxectoria e ubicación traballa especialmente a prol da protección das nosas costas, e o medio mariño e litoral ten nos programas de educación ambiental unha especial relevancia.
Os Programas de Educación Ambiental que actualmente se desenvolven son:
- O mar e a costa, recursos valiosos para todos
- A illa de Santa Cruz, un rico patrimonio natural e histórico
- Coidando o Noso Mar
- Visitas ao CEIDA
As visitas deben ser solicitadas como mínimo cunha semana de antelación a través do seguinte formulario. O horario das actividades será de luns a sábado, de 10 a 14 h. e de 16 a 19 h.