Exposición - Galicia Biodiversidade
Do 20 de xaneiro ao 7 de febreiro
Coñécese como diversidade biolóxica o conxunto de seres vivos da Terra e os patróns naturais que os conforman. A biodiversidade de hoxe en día é froito de milleiros de anos de evolución da vida, que se foi adaptando aos procesos naturais. Hoxe en día estímase que existen máis de 13 millóns de especies na Terra, das cales só coñecemos algo máis dun millón e medio. Ademais os distintos organismos interactúan entre si e co seu medio físico a través dunha complexa rede de relacións.
A diversidade biolóxica de Galicia na actualidade é consecuencia da interacción de varios factores: a situación xeográfica, o clima, os materiais xeolóxicos, a rede hidrográfica, as diferentes paisaxes, etc, aos que se foron adaptando os seres vivos ao longo de millóns de anos.
Con estas actividades preténdese:
- Coñecer a biodiversidade galega, especies animais e vexetais que debuxan unha paisaxe única.
- Destacar os factores que poñen en perigo a biodiversidade.
- Estimular a conservación da biodiversidade máis próxima.
Actividades a desenvolver
- Visita guiada á exposición “Galicia Biodiversidade”.
- Visionado dun audiovisual didáctico sobre a biodiversidade de Galicia.
- Talleres para valorar a riqueza paisaxística do noso entorno e coñecer os distintos hábitats e especies que alí se atopan.
- Actividade de reflexión sobre os impactos negativos do home no ecosistema, e a consecuente perda de biodiversidade.