Exposición- Galicia, camiño celeste
Do 5 de abril ao 31 de maio de 2010
O litoral é o espacio onde se mesturan océanos e continentes, os dous grandes sistemas da biosfera. Lugares como enseadas, esteiros, marismas, lagoas costeiras, dunas e areais, illas, acantilados, son exemplos de ecosistemas que albergan unha gran diversidade biolóxica cunha fauna e flora características, como a gaivota patiamarela, o corvo mariño cristado, a píllara das dunas, o golfiño común, de especies endémicas como a herba de namorar, ou a Angelica pachycarpa.
O medio mariño é un sistema moi dinámico, con mareas, ondas, e correntes influenciadas por fenómenos atmosféricos e astronómicos, que fan que o mar sexa unha fonte de recursos para moitos animais, vexetais, e por suposto para nós.
Esto, xunto coas propiedades físico-químicas do mar, fai que a riqueza mariña das augas da nosa costa sexa unha das maiores da Unión Europea.
O litoral, polo tanto, representa unha enorme fonte de produtividade e posúe unha alta capacidade de rexeneración que está en equilibrio co medio. Se este equilibrio se perturba, cambia ou desaparece, o ecosistema experimentará grandes transformacións, podendo chegar a extinguirse.
Con estas actividades preténdese:
- Descubrir que o litoral é imprescindible como hábitat e refuxio de moitas especies.
- Amosar o medio mariño como fonte de recursos naturais para o home: recursos enerxéticos, comerciais, de transporte, de lecer…
- Valorar as distintas figuras de protección do litoral.
- Analizar os efectos ambientais negativos causados polas distintas ameazas que azoutan de seguido as nosas costas.
Actividades a desenvolver
- Visita guiada á exposición “Galicia. Camiño celeste”.
- Visita á praia de Santa Cruz para identificar as diferentes especies das comunidades biolóxicas e os seus hábitats.
- Talleres relacionados co estudio de redes tróficas entre distintas especies e predicción do que ocorrería se desaparecese algunha delas e identificación de especies e do seu medio natural
- Actividade de reflexión sobre os efectos negativos da contaminación e sobreexplotación do litoral.