A illa de Santa Cruz, un rico patrimonio natural e histórico | CEIDA
» Educación e Divulgación » Programa de Educación Ambiental » Programa actual » A illa de Santa Cruz, un rico patrimonio natural e histórico

A illa de Santa Cruz, un rico patrimonio natural e histórico

Datas
Durante todo o ano

Destinatarios
Educación Primaria, Secundaria e Bacharelato

Formulario
Se queres participar debes cubrir o formulario de solicitude

Introdución
A Illa de Santa Cruz conta cun rico patrimonio natural e cultural froito principalmente da súa localización, un illote no interior da ría da Coruña. No seu contorno atópase un ecosistema de enorme riqueza propio das zonas litorais, que xunto coa situación estratéxica constitúe un espazo único que permite traballar coa comunidade escolar temáticas relacionadas coa biodiversidade da costa galega ou os impactos ambientais que actualmente esta a sufrir, entre outros moitos temas.
Este rico patrimonio natural combínase coa peculiar historia do Castelo de Santa Cruz, que a longo de catro séculos, foi e é un baluarte de “defensa”: defensa da cidade da Coruña dos ataques navais dos corsarios ingleses; defensa da cultura a través da escritora Emilia Pardo Bazán, propietaria da illa; ou defensa do medio ambiente como centro de Educación Ambiental (CEIDA).

Actividades

  • Visita guiada á Illa de Santa Cruz:
    Farase un percorrido pola historia da Illa, resaltando os elementos arquitectónicos e as personaxes que se corresponden coas diferentes etapas históricas, e os elementos naturais máis sobresaíntes como as especies arbóreas do xardín, a vexetación autóctona, a riqueza ornitolóxica ou a orixe xeolóxica da illa.
  • Actividades asociadas a exposicións temporais:
    As salas de exposición do Castelo de Santa Cruz acollen, de maneira temporal, diferentes exposicións de temática ambiental. Algunhas delas levan asociadas actividades específicas para centros de ensino. Estas actividades constan de dúas partes: dunha visita guiada a exposición e de diferentes talleres didácticos. As mostras con actividades específicas para centros de ensino que terán lugar nos próximos meses son:
    - Antártida e cambio climático. Febreiro 2011
    - Os humidais galegos. Marzo-abril 2011.

    • Custe da actividade
    1€ / participante

    Número máximo de participantes
    50

    Duración da actividade
    de 1.30 a 2.30 horas

    O desenvolvemento e a duración das actividades dependerá da climatoloxía, das mareas, do nº de participantes e da dispoñibilidade de tempo do grupo.