CEIDA

Un programa de educación ambiental para a conservación da nosa beiramar. A través desta proposta abórdase, dende diferentes perspectivas, o coñecemento dos valores naturais e culturais da nosa costa para que os participantes adopten actitudes e comportamentos positivos cara a súa conservación e uso sustentable.

Tríptito: o tríptico do programa pódese descargar aquí.

Actividades guiadas

• Roteiros no Monumento Natural Costa de Dexo-Serantes

  Enclave estratéxico onde se pode observar a entrada ás rías do golfo Ártabro: A Coruña, Ares-Betanzos e Ferrol, e lugar onde gozar da paisaxe que nos ofrecen os cantís, mostra inequívoca da bravura do noso mar.

  • Duración aproximada:
    • Roteiros no Monumento Natural Costa de Dexo-Serantes: 2h e 30'
    • Roteiros no Monumento Natural Costa de Dexo-Serantes + Visita a Aula do Mar: 4h
  • Custe: 1€ (Se o profesorado participa nunha preparación previa no CEIDA a actividade será gratuíta)
  • Grupos de: como máximo 50 persoas
  • Solicitude: Se queres participar debes cubrir o formulario de solicitude.
• Aula do Mar. Casa do fareiro dos Faros de Mera

  A Aula do Mar converteuse hoxe na entrada case obrigada ao Monumento Natural Costa de Dexo- Serantes . No seu interior alberga unha exposición impactante de paneis e proxeccións audiovisuais que nos aportan unha visión global dos valores naturais, patrimoniais, económicos e paisaxísticos da costa galega.

  • Duración aproximada:
    • Visita a Aula do Mar: 1h e 30'
    • Visita a Aula do Mar + Roteiro guiado no Monumento Natural: 4h
    • Visita a Aula do Mar + Visita ao Porto de Lorbé: 3h e 30'
  • Custe: 1€ (Se o profesorado participa nunha preparación previa no CEIDA a actividade será gratuíta)
  • Grupos de: como máximo 50 persoas
  • Solicitude: Se queres participar debes cubrir o formulario de solicitude.
• Porto de Lorbé

  Importante enclave económico e social do Monumento Natural Costa de Dexo-Serantes. Lugar onde coexisten artes e modos de pesca tradicionais con modernas instalacións de cultivos mariños e supón unha ocasión para comprender a importancia social do mar en Galicia grazas ao contacto cos mariñeiros, coas redeiras e con outros colectivos do sector.

  • Duración aproximada:
    • Visita a Aula do Mar + Visita ao Porto de Lorbé 3h e 30'
  • Custe: 1€ (Se o profesorado participa nunha preparación previa no CEIDA a actividade será gratuíta)
  • Grupos de: como máximo 50 persoas
  • Solicitude: Se queres participar debes cubrir o formulario de solicitude.
• Intermareal de Santa Cruz

  A vida neste medio non é doada, os organismos aquí presentes conseguen sobrevivir debido a que presentan adaptacións ás condicións ambientais extremas producidas polo subir e baixar das augas. É un espazo óptimo para a observación de aves mariñas, así como das comunidades de flora e fauna que viven nos areais e rochas das praias.

  • Duración aproximada: 2h
  • Custe: 1€ (Se o profesorado participa nunha preparación previa no CEIDA a actividade será gratuíta)
  • Grupos de: como máximo 50 persoas
  • Solicitude: Se queres participar debes cubrir o formulario de solicitude.

Programa de visitas

• Os 400 anos do Castelo de Santa Cruz

  A posta en valor e coñecemento deste edificio e o seu entorno é tamén un dos obxectivos do CEIDA, motivo polo cal se ofrece esta actividade de contido histórico.

  • Custe: 1 € por participante
  • Beneficiarios:
    • Centros especializados
    • Asociacións e outros Colectivos
  • Solicitude: Se queres participar debes cubrir o formulario de solicitude.
• Visita ao CEIDA

  O Centro de Extensión Universitaria e Divulgación Ambiental de Galicia é o Centro de Referencia da Educación Ambiental en Galicia. Por iso ábrenselle as portas a tódolos colectivos interesados en coñecer as liñas de traballo, a oferta de actividades ou as nosas instalacións.

  • Custe: 1 € por participante
  • Beneficiarios:
    • Centros especializados
    • Asociacións e outros Colectivos
  • Solicitude: Se queres participar debes cubrir o formulario de solicitude.

Exposicións itinerantes

• Prestige, crónica negra dun modelo enerxético insostible

  Unha analoxía entre a última viaxe do Prestige e o modelo enerxético actual, que permite abordar a catástrofe ambiental provocada por este petroleiro e facer unha reflexión sobre a insostibilidade do modelo enerxético que impera na nosa sociedade. Ir á páxina da exposición.

  • Beneficiarios:
    • Centros de ensino de Primaria, Secundaria, Bacharelato, e Superior
    • Asociacións e outros Colectivos
  • Solicitude: Se queres solicitar algunha das exposicións debes aceptar as condicións para o préstito e cubrir o formulario de solicitude.
• O patrimonio marítimo de Galicia

  Unha mostra que axuda á difusión e coñecemento do patrimonio marítimo galego dende unha visión global, co obxectivo de continuar traballando na necesaria recuperación e posta en valor do noso acervo cultural mariñeiro. (Exposición cedida pola Federación Galega pola Cultura Marítima e Fluvial).

  • Ir á páxina da exposición
  • Beneficiarios:
    • Centros de ensino de Primaria, Secundaria, Bacharelato, e Superior
    • Asociacións e outros Colectivos
  • Solicitude: Se queres solicitar algunha das exposicións debes aceptar as condicións para o préstito e cubrir o formulario de solicitude.