CEIDA

Datas
Febreiro e Marzo do 2008

Destinatarios
Educación primaria e secundaria

Formulario
Se queres participar debes cubrir o formulario de solicitude

Introdución
Rías, illas, praias, dunas, esteiros,... forman unha gran variedade de ambientes que debuxan unha paisaxe única en Galicia. Ante a necesidade de protexer a súa riqueza natural xurde este programa de Educación ambiental que pretende que, todos os rapaces e rapazas participantes, coñezan os principais valores naturais e culturais destes ambientes, un patrimonio único que temos a obriga de preservar para as xeracións futuras.

Obxectivos

• Dar a coñecer aos escolares os aspectos máis interesantes e curiosos do medio mariño así como descubrir a importancia social e cultural do mar en Galicia e a necesidade da súa conservación
• Amosar a gran diversidade de algas, tartarugas, peixes, mamíferos e aves mariñas presentes nas costas galegas
• Informar das agresións e ameazas que a cotío está a sufrir o medio mariño e litoral en Galicia
• Descubrir a importante labor social e ambiental dos grupos ecoloxistas a través do traballo dun dos grupos mais antigos de Galicia: A Sociedade Galega de Historia Natural

Contidos

• Mamíferos mariños:
• Bioloxía, distribución e estatus poboacional dos cetáceos ( Cranios, maxilares e maquetas a escala natural)
• Aproveitamento da súa carne, graxa e espermaceti
• Tartarugas mariñas:
• Perigos da súa migración como as capturas accidentais, o lixo flotante, e o descartes das redes
• Aves mariñas:
• Rutas migratorias e perigos a os que se enfrontan
• Bioloxía e alimento de algúns peixes ( Peteiros e cranios) e colección de cunchas de Galicia, nos que queda resumida a diversidade malacolóxica e as diferencias entre especies.
• Orixes e historia da Sociedade Galega de Historia Natural, a súa labor social e ambiental ao longo dos últimos 30 anos.

Actividades

• Duración: 1 hora e media
• Número máximo de participantes: 40

Actividades propostas

• Visita guiada á exposición “A natureza mariña galega”
• Obradoiros ambientais:
• Xogos de identificación de moluscos, a través das cunchas mariñas recollidas nas praias
• Observación do algareo do Castelo de Santa Cruz, co fin de descubrir os grandes grupos de algas que existen nas costas galegas e os seus usos actuais
• Usar os artigos que saen diariamente na prensa para descubrir as serias ameazas e o deterioro actual das nosas costas, e debater sobre as súas posibles solucións

Os obradoiros adaptaranse á idade dos participantes