O noso mundo, o noso futuro, a nosa opción 2008 | CEIDA
» Educación e Divulgación » Programa de Educación Ambiental » O noso mundo, o noso futuro, a nosa opción 2008

O noso mundo, o noso futuro, a nosa opción 2008

Datas
Abril - Maio do 2008

Destinatarios
Educación Primaria e Secundaria. Bacharelato e Ciclos Formativos

Formulario
Se queres participar debes cubrir o formulario de solicitude

Introdución
Un dos maiores retos aos que se enfronta a humanidade na actualidade é o cambio climático. A comunidade científica alerta do problema, das súas causas e da necesaria procura de solucións inminentes para a súa mitigación e adaptación.
Moitas das actividades que realizamos na nosa vida cotiá provocan, directa ou indirectamente, emisións de gases de efecto invernadoiro, e por tanto contribúen ao quentamento global. A perda de fogares por causa das inundacións, illas asolagadas pola subida do nivel do mar, colleitas arruinadas polas vagas de calor e as sequías, ...son algunhas das súas consecuencias. Nas nosas mans está impedir que isto aconteza, pero, é preciso que todos os actores sociais se involucren na loita contra este fenómeno global.

Obxectivos

  • Xeral

    • Achegar á comunidade educativa o fenómeno do cambio climático, as súas causas, a súa relación cos modelos de produción e consumo enerxético, e as respostas necesarias dende a acción individual e colectiva para facerlle fronte.

  • Específicos
    • Dar a coñecer as causas e os efectos do quentamento global
    • Clarificar ideas erróneas ou sesgadas sobre este fenómeno
    • Analizar criticamente a influenza das nosas actividades cotiás sobre o clima
    • Concienciar da necesidade de cambiar os nosos hábitos para loitar contra os efectos do cambio climático
    • Fomentar boas prácticas ambientais que contribúan ao aforro enerxético na escola e na casa

Contidos

  • A evolución do clima
  • Causas do cambio climático
    • O efecto invernadoiro
    • Influencia das actividades humanas no clima
    • Emisións antrópicas de GEI
  • Consecuencias sociais, económicas e sobre os ecosistemas do quentamento global
  • Solucións
    • accións individuais e colectivas de aforro enerxético
    • actuacións a nivel local, rexional e planetario
  • O quentamento global en Galicia: causas, efectos e solucións

Actividades

  • Custe da actividade: 1€/participante
  • Duración: aprox.1 hora e media
  • Número máx. de participantes: 25

As actividades propostas para este programa son:

  • Visita guiada a exposición “O noso mundo, o noso futuro, a nosa opción” (baseada no proxecto CLARITY - Acción Educativa por el Clima)
  • Visionado dun audiovisual sobre as causas, os efectos e as solucións do quentamento global.
  • Obradoiros ambientais:
    • “¿E mais eu, cantas emisións podo evitar?”. A través dun programa informático calculase as emisións que se poderían evitar co uso dunha bicicleta.
    • “Emisión cero”: utilización dunha pila de combustible de hidróxeno, coa que se xera electricidade cunha emisión cero de gases contaminantes

Máis información: