CEIDA

Coa colaboración da Consellería de Medio Rural, Xunta de Galicia

Datas
Ata o 20 de xuño

Destinatarios
Educación Secundaria, Bacharelato e Ciclos Formativos da provincia da Coruña.

Formulario
Para participar é necesario cubrir o formulario de solicitude

Introdución
O medio rural -e integrado nel o monte- constitúe un patrimonio esencial para o desenvolvemento sustentable dun país, especialmente en Galicia, onde os terreos de monte constitúen máis do 65% da súa superficie.
O monte, e polo tanto os seus recursos forestais, son esenciais para a vida e ao longo da historia sempre xeraron múltiples beneficios, non só económicos, senón tamén sociais, culturais e ambientais.
Só coñecendo este importante patrimonio aprenderemos a valoralo e aprecialo e, por suposto, a coidalo e conservalo para poder seguir gozando de todos os seus beneficios.

Obxectivos

• Xeral

Achegar á comunidade educativa a importancia da sustentabilidade da xestión do monte e do bosque e do seu aproveitamento dende o punto de vista multifuncional, o fomento dunha cultura forestal e a valorización social do monte, como mellora da calidade ambiental do territorio.

• Específicos
• Achegar a multifuncionalidade do monte á comunidade escolar
• Crear unha conciencia ecolóxica en termos de sustentabilidade do monte
• Divulgar o uso sostible do monte en espazos da Rede Natura 2000

Contidos

• Historia do Monte en Galicia. A problemática dos incendios forestais
• A Multifuncionalidade do Monte: importancia económica, cultural, social e ambiental
• O Uso Sostible do Monte: Xestión Forestal Sostible

Actividades

• Custe da actividade: gratuíta (transporte incluído)
• Duración: aprox. 3 h
• Número máx. de participantes: 50

As actividades propostas para este programa son:

• Itinerario guiado nos montes da Serra da Capelada: O itinerario discorre por montes xestionados pola Consellería de Medio Rural e que contan cun Plan de Ordenación Forestal. A Serra da Capelada está incluída na Rede Natura 2000, dentro do LIC “Costa Ártabra”.
• Itinerario guiado nos montes de Monfero:
  O itinerario discorre por montes xestionados pola Consellería de Medio Rural e parte pertence ao Parque Natural das Fragas do Eume.