• centro de referencia para a educación ambiental en Galicia
    CEIDA
  • capacitar para a sostibilidade ambiental
  • sensibilizar sobre os problemas ambientais
  • coñecer para conservar o patrimonio natural
  • divulgar o coñecemento ambiental

As aves da Illa de Santa Cruz: Roteiro interpretativo no Día Mundial dos Humidais 2018

Vostede está aquí

As aves da Illa de Santa Cruz: Roteiro interpretativo no Día Mundial dos Humidais 2018
Data
venres, 2 Febreiro, 2018
Horario

10.00 h.

Lugar

Illa de Santa Cruz e a súa contorna

Organiza

CEIDA

Dirixido a

Todos os públicos

Descrición

Cada ano, a Convención de Ramsar sobre os Humidais celebra o Día Mundial dos Humidais o 2 de febreiro para crear conciencia en todo o mundo sobre a importancia destes e a necesidade de conservalos e utilizalos de forma racional.

Os humidais cóntanse entre os ecosistemas máis produtivos do planeta, e cumpren funcións ecolóxicas fundamentais para o home. Á súa vez, albergan unha importante biodiversidade e consitúen o hábitat de numerosas especies animais e vexetais.

As aves constitúen un dos compoñentes máis carismáticos da fauna que habita os humidais, ofrecéndolles refuxio, e entre as súas funcións ecolóxicas máis importantes sirven á nidificación e á alimentación. Ademáis, moitos destes ambientes son importantes áreas de concentración durante o período de muda da plumaxe ou a migración anual.

Na illa de Santa Cruz e a súa contorna (a baía de Santa Cruz) atópanse unha gran cantidade de aves. Neste roteiro interpretativo, o Equipo de Educación do CEIDA dará a coñecer as principais especies que alberga, con fin de sensibilizar e reflexionar sobre a importancia destes ecosistemas que son imprescindibles para a vida na Terra.

Inscrición
  • Actividade de balde.
  • Prazas limitadas.
  • Non precisa inscrición, pero é necesario confirmar asistencia en:  educacion@ceida.org  - 981 630 618

 

CEIDA, Centro de Extensión Universitaria e Divulgación Ambiental de Galicia
Universidade da Coruña
Xunta de Galicia
Concello de Oleiros

Acerca do Ceida

Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.

Castelo de Santa Cruz, s/n C.P. 15179 Liáns - Oleiros - A Coruña
 981 630 618
 981 614 443
ceida@ceida.org

Suscríbete ás nosas novas