Emerxencia Climática: Programa para unha Transición Ecolóxica

O cambio climático é probablemente un dos maiores retos ao que nos temos que enfrontar. É dunha enorme complexidade, aínda que xa estamos a comprobar como se están a cumprir os escenarios previstos hai tempo por investigadores e expertos. En xaneiro de 2020 o goberno declarou a emerxencia climática e ambiental, en resposta  ó consenso da comunidade científica, a cal reclama acción urxentes para salvagardar o medio ambiente. Pese a isto, a sensación é que a cidadanía segue relaxada e non estamos a mudar nin os nosos hábitos e costumes, e moito menos os nosos comportamentos de cara a paliar esta problemática.

O programa “Para unha Transición Ecolóxica”, desenvolvido co apoio da Deputación da Coruña pretende sensibilizar sobre o futuro que nos agarda de non combater a emerxencia climática, e concienciar dende os centros escolares; posto que a comunidade escolar non está formada só por nenas e nenos, senón tamén por pais, profesorado, persoal non docente, etc. Isto ofrece a oportunidade de converterse en laboratorios de posta en marcha de novas medidas de sustentabilidade e cooperación.

Alumnas e alumnos de último ciclo de Educación Primaria (5º e 6º) e alumnado de todos os ciclos de Educación Secundaria Obrigatoria (1º-4º ESO) de toda a provincia da Coruña.

• Todo está conectado:
  • Clima e medio ambiente van da man.
  • A terra é un enorme invernadoiro, que é o cambio climático?
  • A importancia da auga na Terra.
  • Vivimos por encima das nosas posibilidades.
• A Terra quéntase cada vez máis:
  • Fai máis calor ca nunca.
  • A cantidade de gases de efecto invernadoiro é alarmante.
  • Cada minuto perde o planeta.
• Atención: non respirar!
• As consecuencias dunha terra máis quente e contaminada:
  • Dentro de pouco poderemos darnos un baño de auga quente no mar.
  • Vento, tormentas, furacáns... e cidades – asador.
  • As aves migratorias están perdendo o norte... igual que os bichos.
  • Aínda quedan tigres no sur de China?
• E en Galicia... aféctanos?
  • Evidencias de que as cousas non van ben.
  • Impactos. Que podería pasar?
• Que podemos facer para mitigalo e remedialo?
  • Non nos poñamos escusas!
  • Medir implica coñecer.
  • Xeitos enxeñosos de arrefriar as cidades.
  • A enxeñaría ambiental coma último suspiro.
  • Que podes facer ti? Todos xuntos podemos paralo.

A actividade adaptarase en todo momento ás indicacións hixiénico-sanitarias relacionadas coa xestión da COVID-19:

• As actividades realizaranse de maneira independente para cada un dos grupos constituídos e convivintes habitualmente no centro educativo, sen misturar grupos distintos entre si.
• O equipo educativo desprazado polo CEIDA empregará máscara en todo momento, realizará unha medición de temperatura previa á actividade e procederá a unha correcta desinfección de mans antes e despois de cada actividade, mediante medios propios.
• O equipo educativo manteranse en todo momento situadas na parte dianteira da aula, nas proximidades do equipo informático empregado para realizar a proxección, mantendo en todo momento a distancia de seguridade co alumnado e procedendo ao remate da actividade á desinfección de todos os materiais empregados na aula.
• As actividades desenvoltas durante a actividade non implicarán contacto entre educadoras e alumnado, manténdose este en todo momento nos seus postos de traballo habituais na aula.
• Evitarase o uso de materiais compartidos, ou empregaranse en todo caso unicamente materiais de fácil desinfección entre cada actividade.
• A actividade adaptarase en todo momento ás indicacións do centro educativo en materia COVID-19 e ás normas existentes.
• A actividade suspenderase ou adiarase no caso da aparición de síntomas tanto no grupo de alumnado como na plantilla do CEIDA, así como nos supostos indicados na normativa ao respecto ou polo centro educativo. O CEIDA contactará co centro educativo o día anterior para confirmar esta ausencia de síntomas e a dispoñibilidade para a visita.