• centro de referencia para a educación ambiental en Galicia
    CEIDA
  • capacitar para a sostibilidade ambiental
  • sensibilizar sobre os problemas ambientais
  • coñecer para conservar o patrimonio natural
  • divulgar o coñecemento ambiental

Metamorfose do Bosque Atlántico

Vostede está aquí

Metamorfose do Bosque Atlántico Pancho Castelo
Data
venres, 5 Maio, 2017 a mércores, 5 Xullo, 2017
Lugar

Castelo de Santa Cruz (Oleiros)

Colabora
  • CEIDA
  • Concello de Oleiros
  • Deputación da Coruña
  • Reserva da Biosfera Mariñas Coruñesas e Terras do Mandeo
     
Autor/es

Pancho Castelo

Descrición

Proxecto artístico que comezou fai cinco anos nos que Pancho Castelo se reinventa, dando un xiro aos máis de 25 anos da súa traxectoria de creación artística no mundo da pizarra, e comeza unha viaxe persoal á Natureza Vexetal máis primitiva e arraigada na súa contorna de Galicia, representada nos bosques atlánticos centenarios cheos de desbordante vexetación, os mil ríos que nos atravesan e as mil praias que nos deleitan coa súa bravura e salvaxismo.

O título 'Metamorfose do Bosque Atlántico' apunta á transformación natural da vexetación a partir de que morre e inicia unha viaxe polos diferentes canais (ríos, lagos, encoros, mar) transformándose polo efecto dos elementos (auga, vento, area, sal e, sobre todo, o efecto do tempo) cambiando a súa morfoloxía segundo o estado da metamorfose na que se atopa.

A exposición se divide en dous bloques segundo o lugar onde foi atopada a madeira: os bosques e as praias.

Con ela Pancho Castelo saca á luz o que permanecía oculto ou pasaba desapercibido para darlle unha segunda oportunidade e transformarlo definitivamente en algo diferente pero coa esencia do que xa era. É ahí cando entramos no Universo de Pancho que, grazas á súa destreza no tratamento dos diferentes materiais e á combinación que fai deles, expresa o seu mundo interior cheo de crítica, de reivindicación e mostra da Natureza humana, o que leva facendo ao logo de toda a súa carreira como creador artístico.

 

Exposicion Pancho Castelo no CEIDA         Exposicion Pancho Castelo no CEIDA

Traxectoria artística

Tras uns inicios creativos orientados ao ámbito da alta xoiería, Pancho Castelo adícase de forma exclusiva e profesional á escultura desde o ano 1996. Autodidacta e investigador na talla e o tratamento da pizarra e outros materiais, ao longo destes anos realizou innumerables exposicións individuais e colectivas, non só en Galicia e España, senón noutros países, como Portugal, Holanda, Italia, Suecia ou Estados Unidos, entre outros. A todas elas súmanse exposicións permanentes en diferentes ciudades españolas e numerosas pezas que forman parte de coleccións privadas en países como Brasil, Chile, Francia, Italia, Alemania ou Portugal.
Máis información:  http://www.panchocastelo.com

Horario de visita

MAIO:

  • Luns a venres, 9 a 14 h.
  • Sábados, 11 a 14 h. e 16 a 19 h.

* Estará aberto tamén o venres 26 de 16 a 20 h. e o domingo 28 de 10 a 14 h.

XUÑO:

  • Luns a venres, 10 a 14 h. e de 17 a 20 h.
  • Sábados, 11 a 14 h. e 16 a 19 h.

* Estará aberto tamén o domingo 18 de 10 a 14 h.

CEIDA, Centro de Extensión Universitaria e Divulgación Ambiental de Galicia
Universidade da Coruña
Xunta de Galicia
Concello de Oleiros

Acerca do Ceida

Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.

Castelo de Santa Cruz, s/n C.P. 15179 Liáns - Oleiros - A Coruña
 981 630 618
 981 614 443
ceida@ceida.org

Suscríbete ás nosas novas