Inauguración da exposición 'O Patrimonio da Reserva Mundial de la Biosfera La Palma: un lugar único no planeta'

O venres, 15 de abril, o CEIDA inaugura na súa Sala de Exposicións a mostra 'O Patrimonio da Reserva Mundial de la Biosfera La Palma: un lugar único en el planeta', unha colección de 34 fotografías que tratan de mostrar o patrimonio natural, tanto dende o punto de vista xeolóxico como de hábitats e paisaxes, e o patrimonio cultural desta illa tan diversa. As fotografías foron tomadas polo director do CEIDA, Carlos Vales, en diferentes visitas institucionais realizadas dentro dos proxectos de colaboración que a entidade mantén con esta Reserva Mundial de Biosfera.

Na inauguración, que terá lugar ás 12.30 h., participará o alcalde do Concello de Oleiros, D. Ángel García Seoane, e contará coa presenza de representantes da Consellería de Medio Ambiente, a Universidade da Coruña, a Reserva de Biosfera Mariñas Coruñesas e Terras do Mandeo, o Cabildo Insular da Illa da Palma e o Secretariado do Comité Español do Programa MaB da UNESCO.

A exposición poderá visitarse na pranta baixa do Castelo de Santa Cruz (Oleiros), sede do CEIDA, ata o vindeiro 10 de abril de 2019.