Curso 'Velando pola nosa relación co mar. Os mares dannos vida'

A Real Academia Galega de Ciencias e a Deputación da Coruña promoven unha nova edición do Ciclo Avances, en colaboración co proxecto Oceans+ do CSIC, o Sistema de Observación Costero de las Illes Balears (SOCIB), a Universidade de Santiago e o Centro de Extensión Universitaria e Divulgación Ambiental de Galicia (CEIDA). Céntrase nalgúns dos principais desafíos que marcan a nosa relación como sociedade co mar, abordando catro aspectos clave para Galicia:

• Como observamos o mar para determinar o seu estado.
• Como lle está a afectar o cambio climático.
• Como se están a organizar as actividades no mar.
• Como se están a xestionar os recursos que extraemos del.

Explórase desde o emprego das novas tecnoloxías para o estudo do mar como a teledetección ou os drons, a emerxencia climática, os principais retos no uso sostible do espazo mariño -en particular o potencial da eólica mariña-, ata a relevancia das rías como sustento alimentario, entre outros aspectos.

• Modalidade presencial:
  • 16 e 17 de xuño > Oleiros, A Coruña. Salón de actos do Castelo de Santa Cruz -  Sede do CEIDA.
  • 18 e 19 de xuño > Santiago. Aula Magna da Facultade de Bioloxía. USC.
• Modalidade virtual: 
  • Canle de Youtube da RAGC.