Charla-obradoiro Facilitación e Xestión de Grupos

A Facilitación é o conxunto de habilidades, técnicas e ferramentas para crear as condicións que permitan un desenvolvemento satisfactorio dos procesos grupais e persoais. Nun grupo non só temos reunións e tomas de decisións senon que hai outros espazos de participación igualmente importantes; a creatividade, a cohesión grupal e o espazo emocional do grupo. Cada un deles require de habilidades e técnicas diferentes para ser xestionado, asegurar o bo funcionamento do grupo e que a diversidade inherente a calquera grupo sume en vez de restar. Nesta xornada faremos un pequeno percorrido por estes espazos e experimentaremos con algunhas das ferramentas para facilitalos e xestionalos.