• centro de referencia para a educación ambiental en Galicia
    CEIDA
  • capacitar para a sostibilidade ambiental
  • sensibilizar sobre os problemas ambientais
  • coñecer para conservar o patrimonio natural
  • divulgar o coñecemento ambiental

Curso de Introdución ao Estudo de Carnívoros: metodoloxías de mostraxe non invasivas

Vostede está aquí

Curso Estudo Carnivoros CEIDA
Data
xoves, 12 Novembro, 2015 a sábado, 14 Novembro, 2015
Horario

O curso desenvolverase en 20 horas, distribuídas en sesións de 4 horas as tardes do xoves e o venres, e 12 horas durante o sábado.

  • Xoves e venres: de 16 a 20 h.
  • Sábado: de 9 a 21 h.
Lugar

Castelo de Santa Cruz (Oleiros), Reserva da Biosfera Mariñas Coruñesas e Terras do Mandeo

Organiza

CEIDA, BioLearn

Colabora

Reserva da Biosfera Mariñas Coruñesas e Terras do Mandeo

Obxectivos

Pretende dar a coñecer ás especies de carnívoros presentes en Galicia e o seu papel ecolóxico no medio, así como dotar aos alumnos e alumnas dunhas competencias básicas nas metodoloxías de mostraxe non invasiva, e na identificación dos rastros destes animais, de cara á súa aplicación en estudos científicos ou técnicos, tales como Estudos de Impacto Ambiental, Xestión de Especies, etc.

Dirixido a

O curso está dirixido a profesionais do Medio así como estudantes e titulados en disciplinas afíns. Se ben, toda aquela persoa interesada na temática pode participar. Non son necesarios coñecementos previos.

Metodoloxía

Os obxectivos do curso abordaranse dende unha perspectiva eminentemente práctica que inclúe a elaboración de trampas de pelo e pegadas, realización introdución ao estudo de carnívoros de transectos de indicios, instalación de estacións de fototrampeo, e revisión de estacións de fototrampeo colocadas con anterioridade á realización do mesmo.Estes contidos prácticos apóianse nunha exposición dos contidos teóricos do módulo que acheguen ao alumno aos conceptos relevantes, sendo o alumno quen toma un papel activo mediante o emprego das ferramentas, técnicas e equipos,
aprendendo de primeira man o manexo das mesmas.

Imparte

Xosé Pardavila, Adrián Lamosa, Julián Mangas (www.biolearn.org)

Inscrición
  • Prezo de matrícula: 95 €
  • Prazas limitadas
CEIDA, Centro de Extensión Universitaria e Divulgación Ambiental de Galicia
Universidade da Coruña
Xunta de Galicia
Concello de Oleiros

Acerca do Ceida

Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.

Castelo de Santa Cruz, s/n C.P. 15179 Liáns - Oleiros - A Coruña
 981 630 618
 981 614 443
ceida@ceida.org

Suscríbete ás nosas novas