• centro de referencia para a educación ambiental en Galicia
    Máis Información
    CEIDA
  • capacitar para a sostibilidade ambiental
  • sensibilizar sobre os problemas ambientais
  • coñecer para conservar o patrimonio natural
  • divulgar o coñecemento ambiental e fomentar a lectura verde

Curso Educación ambiental e intelixencia artificial: incertidumes, desafíos e oportunidades

Vostede está aquí

Inicio
Curso Educación ambiental e inteligencia artificial: incertidumbres, desafíos y oportunidades
Prazas limitadas!
Data
luns, 22 Setembro, 2025 a sábado, 27 Setembro, 2025
Horario
  • Sesións online: 22, 23 e 24 de setembro, de 16 a 19 h.
  • Sesión presencial: 27 de setembro, de 10 a 13 h.
Lugar
  • Sesións online: Plataforma Zoom.
  • Sesión presencial: Castelo de Santa Cruz (Oleiros), sede do CEIDA.
Organiza

CEIDA

Patrocina

Dirección Xeral de Patrimonio Natural, Xunta de Galicia

Obxectivos
  • Reflexionar sobre o papel da intelixencia artificial xenerativa nun mundo cambiante: retos, contradicións, ética, responsabilidade e sustentabilidade.
  • Coñecer ferramentas variadas de intelixencia artificial xenerativa: texto, imaxes, vídeo, música, presentacións…
  • Utilizar ferramentas de intelixencia artificial xenerativa no fluxo de traballo de programas e actividades de educación ambiental para construír mellores mundos posibles.
Dirixido a

Persoal docente, profesionais da educación ambiental, persoas vinculadas ao ámbito da educación, persoas interesadas na intelixencia artificial e na educación ambiental en xeral.

Imparte

Alfonso Peña Rotella. Xeógrafo e Educador Ambiental. Xefe de Servizo de Información Ambiental e Sustentabilidade na administración autonómica de Cantabria.

Contidos
Sesión 1 (en liña). A palabra como ferramenta: Intelixencia Artificial xenerativa de texto.
  • Bloque 1 – Contidos:
    • Reflexión previa: a IA no meu traballo como profesional da educación ambiental. 
    • Consideracións éticas no uso da IA.
    • Impacto ambiental da IA xenerativa.
    • Conceptos básicos: que é a IA xenerativa, como funcionan os modelos de linguaxe (LLM), que é un chatbot.
  • Bloque 2 – Práctica:
    • Para que podemos utilizar a IA xenerativa de texto?
    • Como redactar unha boa instrución ou prompt: regras básicas e exemplos.
    • Principais ferramentas.
    • ChatGPT a fondo.
    • GPT’s personalizados: crea os teus asistentes especializados.
Sesión 2 (en liña). Da idea á imaxe: creatividade visual con IA.
  • Bloque 1 – Contidos: 
    • Como funciona a IA de imaxes e que tarefas podemos realizar: text-to-image, image-to-image, inpainting, outpainting, upscaling…
    • Principais ferramentas: vantaxes e inconvenientes.
    • Como escribir un prompt adecuado para deseñar unha imaxe?
  • Bloque 2 – Práctica:
  • Práctica guiada:
    • Exploramos a xeración de imaxes con ferramentas de IA: Midjourney, Stable Diffusion, ChatGPT, Adobe Firefly, Ideogram, Leonardo, Freepik, Nano Banana… 
    • Aplicación a proxectos de educación ambiental.
Sesión 3 (en liña). Máis aló do texto e a imaxe: son, vídeo e presentacións.
  • Bloque 1 – Contidos: 
    • Regulación da intelixencia artificial xenerativa.
    • A importancia de revisar os termos e condicións de cada ferramenta.
  • Bloque 2 – Práctica:
    • IA para audio: creación de voces, música, podcasts e mellora de calidade (Suno, NotebookLM, ElevenLabs, Adobe Podcast…).
    • IA en vídeo: Midjourney, Runway, Pika, Vexo3.
    • Presentacións: Kimi.
Sesión 4 (presencial). IA á carta: laboratorio creativo .
O taller presencial é un espazo de experimentación onde os/as participantes proban como integrar a intelixencia artificial na súa labor diaria como profesionais da educación ambiental. Máis que crear un produto final, búscase ensaiar de forma realista como a IA pode facilitar tarefas e optimizar procesos habituais. Cada participante ou grupo traballa sobre unha iniciativa relacionada coa súa práctica profesional e explora as ferramentas de IA para ver en que partes do proceso axudan: desde a xeración de ideas ata a creación de materiais de apoio (textos, imaxes, audios, vídeos) ou a adaptación de contidos a distintos públicos. A dinámica funciona como un laboratorio colaborativo: os equipos elixen que reforzar con IA, proban solucións e contrastan resultados. O obxectivo é descubrir como a IA pode ser unha aliada estratéxica que aforre tempo e potencie a creatividade sen substituír o criterio pedagóxico nin a conexión co medio natural.
Material necesario

Os/as participantes deberán dispoñer dos medios necesarios para conectarse en audio e vídeo en todas as sesións online.

Requisitos

Para obter o certificado de realización do curso será   imprescindible   asistir á sesión presencial.

Inscrición

Prazas limitadas.

Inscrición previa a través do seguinte formulario:

 

  • Español

Script modelado 3D

CEIDA, Centro de Extensión Universitaria e Divulgación Ambiental de Galicia
Universidade da Coruña
Xunta de Galicia
Concello de Oleiros

Acerca do Ceida

Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.

Castelo de Santa Cruz, s/n C.P. 15179 Liáns - Oleiros - A Coruña
 981 630 618
 981 614 443
ceida@ceida.org

Suscríbete ás nosas novas

Políticas do sitio