VI Xornadas da Paisaxe Cultural do Noroeste

A Lei 7/2008, do 7 de xullo, de Protección da Paisaxe de Galicia recomenda a incorporación da paisaxe no seno dos procedementos de avaliación ambiental, incluso en aquelas intervencións non sometidas a estudio de impacto, e en concreto regula no seu artigo 11 a necesidade de elaborar Estudos de Impacto e Integración Paisaxística.

O obxectivo destes estudos (EIIP) é avanzar no coñecemento da paisaxe para introducir no territorio novas actuacións que, sendo necesarias para o desenvolvemento social e económico, respeten o carácter da paisaxe e o patrimonio natural e cultural.

Neste curso preséntanse estratexias e intervencións de referencia nacional e internacional e levarase a cabo o desenvolvemento dun caso práctico no obradoiro coa orientación dos expertos invitados aos grupos de traballo. Ao longo do taller exporase unha metodoloxía de estudo basada nos conceptos de multifuncionalidade e adaptabilidade. Ambos conceptos son similares ao de sostenibilidade, pero non sendo tan abstractos, permítennos elaborar propostas concretas de intervención e xestión da paisaxe que serán aplicadas no caso de estudo.