Conversas naturalistas: libélulas e libros

Libélulas, libeliñas, cabaliños do demo, gaiteiros, donceliñas... son moitos os nomes vulgares cos que coñecemos aos odonatos en Galicia, insectos voadores fácilmente recoñecibles polas súas grandes ás, corpo longo e tubular, semellante a un helicóptero, e voo rápido. Xunto ás bolboretas son os insectos máis "fotoxénicos" e apreciados pola súa beleza e colorido.  

Este mes de maio a nosa biblioteca e centro de documentación ambiental retoma as   Conversas Naturalistas, espazo de introdución ao mundo natural que combina a experiencia persoal de persoas expertas en determinadas materias e os libros que son imprescindibles para marabillarnos coa biodiversidade que nos rodea, centrado no mundo das  libélulas.  E para achegarnos a elas contaremos coa presenza da docente e naturalista   Anxos Romeo. 

Anxos Romeo Barreiro

Profesora de Debuxo de Educación Secundaria e Bacharelato. Escritora, naturalista e entusiasta, en particular, das Libeliñas, do sendeirismo e de colaborar na mostraxe e inventario dos Odonatos de Galicia e da Península Ibérica. É coautora de diferentes artigos científicos sobre os odonatos galegos e da 'Guía de libélulas e libeliñas do Parque Natural Baixa Limia-Serra do Xurés' publicado recentemente pola Xunta de Galicia. 

Inscrición

A actividade terá lugar o   vindeiro xoves, 29 de maio,  en horario de   19 a 21 h.   nas antigas cabalarizas do Pazo de Lóngora (Liáns, Oleiros). Trátase dunha actividade   de iniciación  dirixida a   público xeral   (a partir de 14 anos).   As prazas son limitadas e é imprecindible inscrición previa a través do seguinte formulario.