Webinar Alas Oceánicas

A punta da Estaca de Bares está considerada un dos mellores puntos de Europa para a observación de aves mariñas e é un espazo chave no Corredor Migratorio Galaico-Cantábrico Occidental, integrado na Rede Natura 2000. Debido á súa importancia, nos últimos anos o CEIDA ven desenvolvendo traballos de estudo da migración de aves mariñas neste espazo, que culminan no proxecto de seguimento e voluntariado   Alas Oceánicas,   froito da colaboración con SEO/BirdLife e o Concello de Mañón.

Con motivo do Día Europeo da Rede Natura 2000, este  xoves 21 de maio  ás 18 h. terá lugar un  encontro en liña  para achegarnos á riqueza das aves mariñas e á importancia dos espazos protexidos do noso litoral.

Durante a sesión poñeranse en valor o observatorio de Estaca de Bares e os traballos de seguimento de fauna mariña alí desenvoltos, e presentaranse o primeiro informe do programa ALAS OCEÁNICAS, cos resultados do seguimento realizado entre xuño e novembro de 2025, e o programa de voluntariado para o ano 2026.

A asistencia é libre, previo rexistro en: 

https://events.teams.microsoft.com/event/6bf785ef-ae13-498f-8a80-635401679255@542db14b-0556-42bb-98fb-3a059bf56a8d?fbclid=IwY2xjawR5E99leHRuA2FlbQIxMABicmlkETFsOWJWak5BWXdhR1FEMHhjc3J0YwZhcHBfaWQQMjIyMDM5MTc4ODIwMDg5MgABHqGIh8WAZSZocPn3aEIKnfjbODIU1fU8MnollXj7nQD33HJt7t3A6VnHptUS_aem_aeC43pAG-46S6lwjFHPTnQ