Conferencia online 'Brasil, máis que praias e florestas: unha ollada á realidade socioambiental brasileira. O caso do Museo do Cerrado'

A Educación Ambiental e a Ecoloxía Humana, tal como a concebimos, pretende rescatar a articulación entre os aspectos persoais, socioculturais e naturais, implicando o coñecemento e recoñecemento do lugar ao que pertencemos e nos da identidade. Por elo, a área de Educación Ambiental e Ecoloxía Humana da Facultade de Educación da Universidade de Brasília destaca a necesidade de promover a Educación Ambiental que vai máis alá de plantar árbores: busca a implicación de todas as persoas na solución dos problemas ambientais que nos afectan.

Como unha forma de ampliar a visión da realidade socioambiental brasileira, creouse o Museo do Cerrado, unha ferramenta científico-pedagóxica virtual que permite contribuir á construción colectiva do sentimento de pertenza ao Cerrado, a sabana máis biodiversa do planeta Terra; ademáis de ser un espazo de colaboración, conexión, discusión e, por conseguinte, de creación de coñecemento e intervención social neste territorio tan importante para América do Sur.

O obxectivo desta conferencia é presentar o traballo da área de Educación Ambiental e Ecoloxía Humana da Facultade de Educación da Universidade de Brasília, espacialmente o traballo de divulgación científica que desenvolven a través do Museo do Cerrado. Un espazo virtual que pretende divulgar os coñecementos científicos, os saberes e os faceres populares acerca da sociobiodiversidade de esta sabana tropical de Brasil.

O museo pode visitarse en:   www.museucerrado.com.br