-
centro de referencia para a educación ambiental en GaliciaCEIDA -
capacitar para a sostibilidade ambiental -
sensibilizar sobre os problemas ambientais -
coñecer para conservar o patrimonio natural -
divulgar o coñecemento ambiental
Curso online 'Youtube para profesionais da educación'
- Alfonso Peña Rotella. Xeógrafo e Educador Ambiental. Creador do canal de Youtube de Educación Ambiental “Sinapsis Ambiental”, e promotor do canal de Twitch “En Plan Planeta”.
- Diego de Vallejo Pérez. Enxeñeiro técnico forestal e Educador Ambiental. Profesor de videoblogging empresarial na Universidade CESINE. Creador do canal de Youtube de Educación Ambiental “Poty Ambienturas”.
- Dotar ás persoas participantes duns coñecementos básicos sobre gravación, produción e edición de contido audiovisual cos seus propios medios (teléfono móbil, cámara de fotos, videocámara, micrófonos, iluminación…), e sobre as técnicas de comunicación que funcionan hoxe en día dentro de Youtube.
- Aprender desde cero a crear e xestionar un novo canal en Youtube para xerar contido público ou privado e poder monetizalo posteriormente se o desexa, aprendendo a aproveitar as propias habilidades creativas e fomentando as boas prácticas da Educación Ambiental ao traballar na natureza.
Persoal docente en activo, profesionais da educación ambiental, persoas interesadas na comunicación ambiental.
- As redes sociais cibernéticas; pasado, presente e futuro. Vocabulario técnico esencial.
- Youtube desde dentro: tipos de canais en Youtube. A divulgación cultural en canais de Youtube. O noso público. Onde aprender máis sobre Youtube.
- Estrutura e instalación do noso Set-up. Equipos, prezos e materiais.
- “A xestión da marca persoal”. Privacidade e xestión da pegada digital ao expoñer o noso traballo en internet.
- Guionizado e arquitectura interna nun vídeo de Educación Ambiental.
- Ética e boas prácticas ao traballar na natureza coas redes sociais.
- Técnicas de comunicación: falando á cámara.
- Ferramentas online gratuitas para a edición de vídeo.
- Subida do material a Youtube. Promocionar o canal nas redes sociais e outros medios de comunicación.
- Formas de financiación dun canal de Educación Ambiental.
- Obradoiros prácticos de edición de vídeo dixital cada día: entre outros, interfaz dun editor de vídeo; gravación en estudo; iniciación á edición de vídeo; guionización e gravación de storyboard; elaboración de miniaturas para vídeos; gravación e edición de vídeo con chroma-key; realización de emisións en directo; traballo final de curso.
O formato do curso é en liña, e inclúe unha sesión presencial (imprescindible asistir).
O alumnado necesita contar con: ordenador conectado a internet e programa de edición de vídeo instalado, ademáis dun equipo de gravación de vídeo (teléfono móbil, cámara réflex, videocámara…).
Os exemplos que realizará o profesorado levaranse a cabo con DaVinci Resolve (aplicación gratuíta) e con Camtasia (de pago), polo que é recomendable que, alo menos, as persoas participantes teñan instalado un destes dous programas antes do comezo do curso.
A continuación, a modo orientativo, indicamos requisitos mínimos cos que debe contar o equipo informático para que a edición de vídeo resulte fluída:
O curso conta coa seguinte distribución de horas:
- Curso online: 30 horas de sesións con profesorado, a través da plataforma Zoom.
- Sesión presencial: 8 h.
- Traballo final do alumnado: 8 h.
En canto ás datas, as sesións terán lugar nos seguintes días:
- Sesións online: día 2, 3, 4, 5, 9, 10, 11, 16, 17 e 24 de outubro, en horario de 16 a 19 h.
- Sesión presencial: 7 de outubro, en horario de 9 a 14 h. e de 16 a 19 h.
- Actividade gratuíta.
- Prazas limitadas por rigurosa orde de inscrición.
Script modelado 3D
Acerca do Ceida
Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.
Castelo de Santa Cruz, s/n C.P. 15179 Liáns - Oleiros - A Coruña
981 630 618
981 614 443
ceida@ceida.org