• centro de referencia para a educación ambiental en Galicia
    CEIDA
  • capacitar para a sostibilidade ambiental
  • sensibilizar sobre os problemas ambientais
  • coñecer para conservar o patrimonio natural
  • divulgar o coñecemento ambiental

Fanny Garrido: IV Xornada Mulleres Relevantes da Reserva de Biosfera Mariñas Coruñesas e Terras do Mandeo

Vostede está aquí

Fanny Garrido: IV Xornada Mulleres Relevantes da Reserva de Biosfera Mariñas Coruñesas e Terras do Mandeo
Prazas limitadas!
Data
xoves, 6 Outubro, 2022
Horario

19 a 21 h.

Lugar

Sala de Conferencias do Pazo de Lóngora (Liáns, Oleiros).

Organiza

CEIDA

Patrocina

Dirección Xeral de Patrimonio Natural, Xunta de Galicia

Obxectivos
  • Promover o coñecemento das figuras femininas relevantes do territorio.
  • Poñer en valor o patrimonio cultural e histórico da Reserva de Biosfera Mariñas Coruñesas e Terras do Mandeo.
Dirixido a
  • Profesionais do sector turístico.
  • Persoas con formación ou interese no ámbito da historia, da literatura e do medio ambiente.
  • Público xeral interesado.
Contidos

Esta cuarta xornada de mulleres relevantes centrarase na figura de Fanny Garrido (A Coruña, 30 outubro 1842 - Oleiros, 16 outubro 1881): escritora e intelectual recoñecida pola súa cultura, esposa do compositor Marcial de Adalid que viviu no Pazo de Lóngora de Liáns, poboación da que tomou o nome para o seu pseudónimo, 'Eulalia de Liáns'. En canto á súa obra, colaborou con varias publicacións como 'Galicia' ou 'El correo de Madrid'. Publicou a súa primeira novela, de corte autobiográfico, 'Escaramuzas', en 1885, e a súa segunda novela, 'La madre de Paco Pardo', catro anos máis tarde. Unha das súas novelas, 'Batallas' permanecerá inédita. Destacou tamén polas súas traducións ao alemán de autores como Heine e especialmente de Goethe. 

Participan
  • Laura Touriñán Morandeira: investigadora postdoutoral con contrato Margarita Salas da Universidade de Santiago de Compostela e membro do Grupo de Investigación “Estudios Históricos de Música en Galicia y América (ss. XI-XX)” (GI-2025) desta institución. Doutora con sobresaínte cum laude e Mención Internacional pola Universidade de Santiago de Compostela, autora da tese doutoral “Marcial del Adalid (1826-1881): biografía, catalogación de su obra musical y su vinculación con la creatividad cultural socio-identitaria”. Licenciada en Historia e Ciencias da Música e Máster en Música Hispana pola Universidad de Salamanca; Grao Superior de Piano polo Conservatorio Superior de Música de Castela e León, e Máster en Xestión Cultural na especialidade de Artes Escénicas pola Universidad Internacional de Cataluña. Ten levado a cabo a recuperación da biografía e a obra literaria de Fanny Garrido, traballo en proceso de publicación. Participa periódicamente en congresos e cursos de formación en investigación e docencia, e é autora de diversas publicacións, académicas e divulgativas, relacionadas con Musicoloxía Histórica, Educación Musical e Humanidades Dixitais.

 

  • Alejo Amoedo: pianista especializado no repertorio de compositores galegos, realiza estudios de acompañamento vocal en Madrid co lendario pianista Miguel Zanetti. É Doutor pola Universitat Politècnica de Valencia. A súa ampla traxectoria, no eido da música de cámara, levouno á realización de numerosos recitais. Dos seus traballos discográficos destacan o triplo CD 'Antoloxía de Compositores Galegos' (Ouvirmos, 2013), xunto ao clarinetista Asterio Leiva; Mélodies (Mans, 2012), con Iria Cuevas, mezzosoprano; 'Cantos que veñen de lonxe' (Eme, 2014), poemas de Xosé Neira Vilas, musicados por Xervasio Vázquez, coa voz de Cesáreo Torres; 'Evocación' (Dos Acordes, 2016), coa obra para piano só de Reveriano Soutullo; 'Cantos á natureza' (Fervenzas, 2018), ao carón da soprano Susana de Lorenzo e o tenor Cesáreo Torres, con textos póstumos de Xosé Neira Vilas e musicado polos compositores/as  Juan Durán, Margarita Viso, María Mendoza, Xabier Comesanha e Paulino Pereir; 'Saudades d’alborada. Baladas e zarzuelas galegas' (Dos Acordes, 2021), xunto a soprano Dolores Crespo; e o máis recente (di) 'Versos Femeninos' (RDC, 2022), con música de Juan Durán e a voz da mezzosoprano Nuria Lorenzo. Foi pianista acompañante nos conservatorios profesionais de Pontevedra e Vigo; na Escola Superior de Música e dás Artes do Espectáculo de Porto (Portugal); e na Escola de Altos Estudos Musicais de Santiago de Compostela. Na actualidade pertence ao Corpo de Catedráticos de Música e Artes Escénicas da Xunta de Galicia na especialidade de Repertorio para Piano con Instrumentos, con destino no Conservatorio Superior de Música de Vigo. É un dos integrantes do colectivo cultural Pertenza; asesor da Fundación Reveriano Soutullo Otero; membro fundador da Irmandade da Música Galega; así como membro do plenario do Consello da Cultura Galega e coordinador do Arquivo Sonoro de Galicia de dito organismo. Galardoado co «Premio da Crítica de Galicia» (2021) e co «Premio da Música Gregorio Baudot» (2022), concedido pola Sociedade Artística Ferrolana.

 

  • Susana de Lorenzo: soprano lírica, combina a Música co ensino do Latín e o Grego. A súa traxectoria defínese pola variedade de repertorios e estilos, así como pola estrea de obras e recuperación de compositores, incluída a creación como compositora. Actuou coa Orquestra Sinfónica de Galicia, Real Filarmonía de Galicia, Orquestra Sinfónica de Melide, Orquestra de Cámara Galega, Orquestra Gaos, Cuarteto Mondello, Banda Municipal da Coruña, baixo a dirección de Federico María Sardelli, James Ross, David Ethéve, Fernando Balboa, José Luis Represas, Fernando Vázquez Arias, entre otros, en actuacións realizadas no Palacio da Ópera da Coruña, o Teatro Rosalía de Castro da Coruña, o Teatro Colón da Coruña, a Real Academia de Belas Artes da Coruña, o Museo de Belas Artes da Coruña, a Real Academia Galega da Lingua de A Coruña, Teatro García Barbón de Vigo, Teatro Jofre de Ferrol, Auditorio Galicia de Santiago de Compostela, Auditorio da Universidade de Santiago de Compostela, Auditorio da Universidade de Carlos III de Madrid, xira en Edimburgo e varias localizacións das Highlands de Escocia. Co pianista Alejo Amoedo estrea numerosas pezas de compositores galegos, entre os que figura a recuperación da obra lírica de Fanny Garrido.
Programa

19.00 h. Benvida e presentación:

  • Carlos Vales Vázquez, Director do CEIDA.
  • María Luz Corral, responsable do Sistema de Bibliotecas Municipais de Oleiros.

19.30 h. Charla Coloquio entorno á figura de Fanny Garrido, con interpretación de pezas compostas por Marcial de Adalid e con letras de Fanny Garrido.

  • Laura Touriñan, Investigadora Universidade de Santiago de Compostela.
  • Alejo Amoedo, pianista.
  • Susana de Lorenzo, soprano.

21.00 h. Despedida e peche da actividade. 

Script modelado 3D

CEIDA, Centro de Extensión Universitaria e Divulgación Ambiental de Galicia
Universidade da Coruña
Xunta de Galicia
Concello de Oleiros

Acerca do Ceida

Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.

Castelo de Santa Cruz, s/n C.P. 15179 Liáns - Oleiros - A Coruña
 981 630 618
 981 614 443
ceida@ceida.org

Suscríbete ás nosas novas

Políticas do sitio