Seminario 'Pradeiras Mariñas, Tesouros de Biodiversidade'

As pradarías mariñas son dos ecosistemas mariños máis ricos do planeta e teñen unhas funcións e servizos ambientais imprescindíbeis para moitas formas de vida mariña, amais dunha extraordinaria relevancia económica e social. Porén, son ecosistemas pouco divulgados e coñecidos nos que cómpre avanzar no seu coñecemento e tendencias de evolución, tanto a nivel global como a súa realidade nas rías galegas. Por ese motivo, neste seminario atópanse diversos proxectos que dende diferentes ópticas traballan para a conservación destes ecosistemas, amplamente distribuídos na beiramar galega e fundamentais na loita contra o cambio climático.

• XOVES, 21 DE OUTUBRO (presencial e online)
  • 10:00 h. Recepción de participantes.
  • 10:15 h. Inauguración.
  • 10:30 h. Valor socioeconómico das pradarías de anxiospermas mariñas. Miguel Ángel Mateo Mínguez. Centro de Estudios Avanzados de Blanes, Consejo Superior de Investigaciones Científicas, School of Sciencies and Centre for Marine Ecosystems Research, Edith Cowan University.
  • 11:00 h. As pradarías mariñas en Galicia. Verónica García Redondo, Doutora experta en pradarías mariñas. Colaboradora do CEIDA.
  • 11:30 h. Coloquio.
  • 12:00 h. Pausa.
  • 12:30 h. Restauración das pradarías de Zostera noltei no País Vasco.  Joxe Mikel Garmendia. AZTI-BRTA. Investigación Marina.
  • 13:00 h. Proxecto ZOSTECO. Conservación das pradarías de Zostera noltei no NO da Península Ibérica: unha investigación baseada na cartografía participativa dos usos e servizos do ecosistema. Emilio Fernández Suárez. Facultade de Ciencias do Mar. Universidade de Vigo.

• VENRES, 22 DE OUTUBRO (só online)
  • 12:00 h. Tendencia actual das pradarías mariñas europeas. Carmen B. de los Santos. Centro de Ciências do Mar, Universidade do Algarve.
  • 12:30 h. Protección costeira e os cambios das pradarías de Zostera noltei a longo prazo. Bárbara Ondiviela. IHCantabria - Instituto de Hidráulica Ambiental de la Universidad de Cantabria.
  • 13:00 h. Pradarías Mariñas, Tesouros de Biodiversidade. Programa de educación ambiental sobre pradeiras mariñas. Verónica Campos. CEIDA.
  • 13:30 h. Coloquio e clausura.