Celebramos o Día da Terra e o Día do Libro #LendoNatureza

A vindeira semana celebraremos, un ano máis, o Día da Terra e o Día do Libro (22 e 23 de abril), lendo a natureza!
Dende o CEIDA queremos animarvos a participar na campaña que novamente poñeremos en marcha nas nosas redes sociais, onde a natureza e os libros son os protagonistas. Por iso precisamos da vosa colaboración:

1. Grava un vídeo de 60 segundos (máximo) recomendando ou lendo algún parágrafo dun libro de contido ambiental. Poden ser obras literarias dirixidas a público adulto, infantil ou xuvenil; guías de natureza; ensaios, obras técnicas...
2. Compárteo nas túas redes sociais (Facebook, Twitter ou Instagram) co cancelo #LendoNatureza e nomea ou etiqueta ao CEIDA (@ceidagalicia)
3. Se non tes posibilidade de compartilo directamente nas redes, podes envialo a difusion@ceida.org ou ao teléfono 638 16 93 16 (whatssap ou telegram) e o equipo do CEIDA subirémolo por ti ás canles.
4. Os vídeos poden compartirse dende o 19 ao 23 de abril.

Axúdanos a encher de lecturas verdes as redes!