Exposición Momentos: 100 anos a ombreiros de xigantes: os nosos primeiros parques nacionais

O CEIDA acolle na súa Sala de Exposicións 'Momentos: 100 anos a ombreiros de xigantes', mostra fotográfica dos primeiros parques nacionais de España, o Parque Nacional de Ordesa e Monte Perdido, e o Parque Nacional de Picos de Europa, con motivo da celebración do centenario que conmemoraron ambos espazos protexidos no 2018. Producida polo Organismo Autónomo Parques Nacionales para la Transición Ecológica, a exposición está composta por 32 fotografías de grande formato, permitindo aos visitantes adentrarse na grandiosidade destes espazos protexidos en distintos momentos do pasado e o presente.

'Momentos' non pretende realizar un repaso histórico dos parques homenaxeados, senón aunar unha serie de relatos que, a través das imaxes, falan das súas múltiples facetas, abordando aspectos relacionados cos seus valores naturais e paisaxísticos, así como cos seus respectivos territorios.

Permanecerá na sede do CEIDA ata o vindeiro 6 de xuño. O horario de visitas é de luns a venres de 9 a 14 h. e sábados de 11 a 14 h.