-
centro de referencia para a educación ambiental en GaliciaCEIDA -
capacitar para a sostibilidade ambiental -
sensibilizar sobre os problemas ambientais -
coñecer para conservar o patrimonio natural -
divulgar o coñecemento ambiental
Presentación de Sonda Internacional: xornalismo visual sobre a crise climática
Presentación de Sonda Internacional: xornalismo visual sobre a crise climática
O vindeiro xoves, día 30 de novembro, ás 19 horas, terá lugar na sede do CEIDA, o Castelo de Santa Cruz (Oleiros), a presentación do novo medio de comunicación 'Sonda Internacional'.
Sonda Internacional é un medio de comunicación independente e sen ánimo de lucro especializado en xornalismo visual sobre a crise climática. Fundado en maio de 2022 por un pequeno grupo de xornalistas cunha ampla traxectoria en información internacional, migracións, conflitos e ecoloxía humana, co obxectivo de crear un espazo para desenvolver proxectos de longo percorrido: xornalismo en profundidade e de calidade.
Máis información do proxecto: https://sondainternacional.com
- Resaltar a través do xornalismo visual as consecuencias dramáticas do cambio climático.
- Poñer exemplos a nivel planetario e local destas graves consecuencias.
- Concienciar a través de imaxes dos efectos do cambio climático respaldando o que nos contan os informes científicos.
- Presentar un xornalismo de solucións, documentando os proxectos que funcionan para non falar só do negativo.
- Contar as historias que se ocultan detrás das fotos.
- Santi Palacios. Fotoxornalista e director de Sonda Internacional. O seu traballo centrouse en migracións, conflitos e ecoloxía humana e recibiu numerosos recoñecementos, como o World Press Photo, o premio Ortega y Gasset ou o Nacional de Fotoxornalismo. Tamén formou parte do equipo nominado pola axencia Associated Press ao Premio Pulitzer na categoría Breaking News Photography.
- Mikel Konate. Videoxornalista independente centrado en migracións, conflitos e crise climática. O seu traballo emitiuse en medios de comunicación de todo o mundo e a súa cobertura das migracións no Mediterráneo Central valeulle o premio Rory Peck Trust.
- Lily Mayers. Xornalista multimedia australiana. Alí cubriu dende política e sucesos, ata as maiores catástrofes ambientais da rexión, incluída a emerxencia de incendios forestais de Nova Gales do Sur en 2019. En España o seu traballo céntrase na cobertura da actualidad española e europea.
- Simón Casal. Guionista e director. Traballa en ficción e en documental de xénero histórico, científico e político. As súas películas recibiron recoñecementos como o Gran Premio do Xurado no WorldFest en Houston, ou premios a Mellor Documental e Mellor Director en festivais especializados como o FICAB e o AI Int. Film Fest en Salt Lake City (Utah).
Como as prazas son limitadas, prégase confirmar asistencia a través do formulario ou vía telefónica.
Accede ao Formulario
Teléfono: 981 63 0618
Script modelado 3D
Acerca do Ceida
Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.
Castelo de Santa Cruz, s/n C.P. 15179 Liáns - Oleiros - A Coruña
981 630 618
981 614 443
ceida@ceida.org