Ponte a Zero: Programa de Educación, Formación e Divulgación Ambiental sobre a Redución e Xestión dos Residuos na Provincia de Pontevedra

Deputación de Pontevedra

A xestión dos residuos é un dos principais problemas ambientais que teñen que enfrentar os concellos e é de díficil solución. A Deputación de Pontevedra fai unha aposta clara pola colaboración cos concellos para afrontar os retos da normativa vixente. É preciso que a poboación local entenda a necesidade de separar correctamente o lixo para reducir os elevados custes de recollida e tratamento. Por este motivo, o CEIDA e a Deputación de Pontevedra levan a cabo o programa 'Pote a Zero', dirixido tanto á comunidade educativa como á poboación xeral da provincia de Pontevedra, e que ten os seguintes obxectivos:

• Concienciar á comunidade educativa da problemática dos residuos.
• Achegar coñecementos sobre os residuos urbanos.
• Capacitar para a acción na minimización e correcta separación e xestión dos residuos domésticos.
• Fomentar actitudes cívicas e de corresponsabilidade co medio social e natural.
• Complementar e reforzar a educación ambiental realizada polos propios centros educativos, adecuando dentro do posible o programa ás demandas e necesidades de cada centro.