AmbientalMente Sustentable, número 11-12

AmbientalMENTEsustentable. Xaneiro-decembro 2011. Ano VI. Vol I, núm. 11-12

O turismo é un dos sectores económicos que máis ten crecido a nivel mundial; constitúe unha verdadeira industria que atrae divisas e inversións nun curto período de tempo, o que pode constituir unha oportunidade para o desenvolvemento sostible (mellora de infraestruturas, oportunidades de formación e emprego, valorización do propio etc.), ou ben, pode conlevar importantes desaxustes (impactos no medio natural, desculturización, movementos migratorios, os beneficios económicos fican deslocalizados etc.).

Neste novo número da revista preséntanse unha serie de reflexións de carácter xeral que serven para encadrar estratexias educativas e de xestión de cara a un turismo sustentable, e tamén estudos e expericiencias que ilustran que é posible promover outras formas de turismo a pequena escala, baseado na singularidade do lugar, o que non quita que sexan necesarios cambios estruturais dun modelo de turismo hexemónico mundial de carácter neo-colonial.

• Acceder ao número