Especies Exóticas Invasoras: situación e propostas de mitigación

As Especies Exóticas Invasoras están consideradas como o segundo dos factores que maior incidencia teñen tanto sobre a perda de biodiversidade, como na redución da capacidade de fornecer servizos por parte dos ecosistemas naturais e seminaturais. Esta monografía, editada polo CEIDA e o   IBADER,  aborda a problemática e a súa situación no territorio galego. A publicación recolle os relatorios presentados durante o transcurso do seminario formativo “Especies exóticas invasoras: situación e propostas de mitigación”, organizado polo CEIDA e celebrado no Castelo de Santa Cruz (Oleiros) durante o mes de outubro de 2017.

Contidos:

• Especies Exóticas Invasoras en Galicia: Un problema preocupante na protección da Biodiversidade.
• Invertebrados exóticos invasores en Galicia: situación e problemática.
• Macroalgas invasoras en Galicia (NO Península Ibérica), una historia interminable.
• Plantas exóticas invasoras en Galicia. Doce anos de avances no coñecemento.
• Os mamíferos exóticos invasores de Galicia: Revisión da situación actual e a súa xestión.
• Medios Insulares: antropización e expansión de especies exóticas invasoras. Situación no Parque Nacional Marítimo-Terrestre das Illas Atlánticas.