Outro Futuro para as Mondas das Laranxas. Innovación e Residuos. Xornada Formativa para Profesionais e Medios de Comunicación

Os residuos constituen un dos principais problemas ambientais que a humanidade temos pendente de resolver para albiscar otro futuro máis sustentable. Esta problemática adoita saír nos medios de comunicación cando son fonte de problemas na súa xestión, motivo de conflito social, etc., mais poucas veces analízase cara a cidadanía a verdadeira magnitude desta problemática a nivel tanto global como galego.

Esta xornada informativa quere ofrecer datos concretos e relevantes e concíbese como unha actividade práctica de coñecemento de dúas experiencias de innovación sobre residuos que se están a desenvolver dende a Universidade da Coruña: na xestión de todos os residuos orgánicos da Escola Superior de Arquitectura e das augas residuais na Facultade de Ciencias. O obxectivo é trasladar información aos profesionais dos medios de comunicación sobre este gran desafío ambiental dende unha óptica de optimismo e de oportunidade, presentando experiencias aplicables en moitos fogares e entidades galegas.