Clube de lectura

O clube de lectura CLOROFILA é unha invitación para achegarse á natureza a través da literatura. Xa sexa dende a narrativa ou do ensaio, este clube pretende dar a coñecer obras de temática ambiental para explorar o mundo que nos rodea, creando un espazo para a conversa e o intercambio de ideas, unha chamada á acción a través da lectura.

Mais CLOROFILA é, sobre todo, un espazo para coñecernos e gozar das lecturas verdes, para o diálogo colectivo, para compartir, para falar de forma distendida e poñer en común temas ambientais e sociais que nos afectan a todos.

Está dirixido a todas aquelas persoas que lles guste ler, non buscamos un público experto nin comentarios especializados, só persoas dispostas a compartir con nós as súas impresións tras a lectura das obras propostas. 

O grupo de lectura ofrece 15 prazas, e en cada convocatoria abrimos as sesións para que as persoas interesadas poidan anotarse e recoller un exemplar do libro, que sempre atoparán dispoñible en préstamo na nosa biblioteca verde.

CLOROFILA forma parte do clube de lecturas da Red de Centros de Información e Documentación Ambiental (RECIDA), por iso a maior parte dos títulos están escritos en castelán. Non obstante, trataremos de incluír obras en galego.

Para máis información:  documentacion@ceida.org  - 981 630 618

Neste momento estamos lendo: 

CORDILLERA Autora: Marta del Riego Data da sesión: mércores, 15 de outubro de 2025. Hora: 19 h. Sinopse: Un “thriller” cheo de sons da natureza que transcorre na montaña leonesa, nunha aldea situada no Parque Natural Valles de Babia y Luna, onde os conflitos entre os humanos e a vida salvaxe forman parte deste territorio despoboado e hostil. Conservacionistas, gandeiros, osos, lobos… moitos protagonistas loitando por sobrevivir nunha terra esquecida..  Máis información do autor e do libro:  https://www.adnovelas.com/libro/cordillera/

Estas son as lecturas que xa limos no clube: