• centro de referencia para a educación ambiental en Galicia
    CEIDA
  • capacitar para a sostibilidade ambiental
  • sensibilizar sobre os problemas ambientais
  • coñecer para conservar o patrimonio natural
  • divulgar o coñecemento ambiental

Proxección do documental 'O desafío do Sil' de Domingo Díaz Docampo + coloquio/debate

Vostede está aquí

Proxección do documental 'O desafío do Sil' de Domingo Díaz Docampo
Data
martes, 18 Decembro, 2018
Horario

18 h.

Lugar

Castelo de Santa Cruz (Oleiros)

Sinopse

En 1959, Alejandro del Campo, o novo enxeñeiro responsable dos proxectos de Saltos del Sil, durmía pouco. En xaneiro, un encoro de Eléctricas Moncabril sufrira unha rotura arrasando o pobo de Ribadelago na provincia de Zamora. Meses despois, o Sil baixaba cun caudal maior do previsto, e as presas de Santo Estevo e San Pedro aínda estaban en construción. O enxeñeiro era consciente do perigo que se achegaba en forma de riada. A posibilidade dunha traxedia, agora en Ourense, era real.

Mentres Diotino, empregado de Saltos del Sil, traballaba día e noite para mitigar os efectos da riada, os seus veciños, agricultores, seguían as súas rutinas con normalidade. Non eran conscientes da catástrofe que roldaba as obras. Tampouco da transformación que ían soportar as comarcas e as súas vidas cando estas terminasen.

Notas do director Domingo Díaz Docampo

Cando o libro "A construción dos Saltos de o Sil 1945-1965" caeu nas miñas mans, non puiden parar de lelo. Falaba duns feitos, dunhas xentes e dunha zona que eu coñecía ben.

Desde neno convivín con Saltos del Sil. Na miña aldea, Petín, a empresa construiu un poboado, o colexio no que estudei levantouse coa súa axuda, e algún dos meus profesores traballaban para a empresa.

Da historia do Sil atráenme moitas cousas:

  • A audacia duns empresarios que souberon adiantarse á súa época e ver as posibilidades de negocio.
  • A xenialidade duns novos enxeñeiros, con apenas experiencia, que construíron obras pioneras en Europa.
  • A capacidade de esforzo e entendemento de todos os directivos e empregados para salvar calquera obstáculo.
  • E sobre todo, o cambio social e económico que significou a presenza das obras en núcleos, ata entón, exclusivamente rurais.

Ata agora téñome dedicado, sobretodo, á produción de documentais, pero segundo avanzabamos no proxecto, fun consciente de que quería dirixir o documental, pola proximidade coa historia, polo involucrado que estaba, e porque cada vez que falaba con algún dos antigos traballadores de Saltos del Sil compartiamos o mesmo punto de vista sobre a aventura que foi a construción destas presas e centrais.

O meu obxectivo é facer partícipes aos espectadores destes acontecementos, que sen dúbida poden ser interpretados de múltiples formas. Aínda máis cando falamos de grandes obras, financiadas por grandes bancos, nas que participaron moitos idealistas, e nas que traballaron moitas persoas da zona para gañarse a vida. Os diferentes puntos de vista, permitirán ao espectador realizar as súas propias valoracións, e sacar as súas conclusións da aventura que foi Saltos do Sil.

 

CEIDA, Centro de Extensión Universitaria e Divulgación Ambiental de Galicia
Universidade da Coruña
Xunta de Galicia
Concello de Oleiros

Acerca do Ceida

Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.

Castelo de Santa Cruz, s/n C.P. 15179 Liáns - Oleiros - A Coruña
 981 630 618
 981 614 443
ceida@ceida.org

Suscríbete ás nosas novas