Exposicións no Castelo

O Castelo de Santa Cruz e o seu entorno atraen unha gran cantidade de visitantes que se achegan a coñecer o patrimonio natural e cultural da illa. Por este motivo, o CEIDA conta cun programa de exposicións temporais que permite aos visitantes acceder a unha información ambiental rigorosa e avaliar a situación do patrimonio natural galego e mundial. Situadas na planta baixa do Castelo, as Salas de Exposicións do CEIDA acollen paneis informativos, fotografías, coleccións de obxectos... de maneira temporal e empregadas como medio de comunicación social, co obxectivo de transmitir a beleza do patrimonio natural que nos rodea ou facer reflexionar á sociedade sobre os problemas ambientais actuais.