-
centro de referencia para a educación ambiental en GaliciaCEIDA -
capacitar para a sostibilidade ambiental -
sensibilizar sobre os problemas ambientais -
coñecer para conservar o patrimonio natural -
divulgar o coñecemento ambiental
Cara a xestión integral das ZEPA mariñas do noroeste da Península Ibérica - ÁRTABRO2
Este proxecto conta co apoio da Fundación Biodiversidad, do Ministerio para la Transición Ecológica y el Reto Demográfico, a través do Programa pleamar do FEMP
A costa galega é un dos lugares do planeta nos que de maneira máis obvia conflúen actividades como a pesqueira, marítima, portuaria ou turística cunha rica biodiversidade e, ao mesmo tempo, cun importante historial de catástrofes ambientais no medio mariño. En concreto, este territorio posúe unha especial relevancia para a conservación das poboacións europeas e globais dun importante número de especies ameazadas, protexidas a nivel legal mediante a declaración de divesas Zonas de Especial Protección para as Aves (ZEPA) no medio mariño e litoral.
O proxecto ÁRTABRO 2 xurde como unha segunda fase do proxecto ÁVES ÁRTABRAS, desenvolvido polo CEIDA durante o ano 2019, e que pretendía sentar as bases para a declaración dunha ZEPA para a conservación da poboación de cormorán moñudo, as concentracións de pardela balear e o paso migratorio de aves mariñas no territorio do Golfo Ártabro. Esta ZEPA estaría situada entre outras dúas existentes, o Espazo Marino da Costa da Morte e o Espazo Marino da Costa de Ferrolterra-Valdoviño, conectándoas nunha grande área mariña protexida no noroeste da Península Ibérica, moi próxima tamén á ZEPA Espazo Marino de Punta Candelaria, Ría de Ortigueira e Estaca de Bares, e abarcando así grande parte da costa da provincia da Coruña. O obxectivo de ÁRTABRO 2 é, por tanto, contribuír á conservación das aves mariñas de Europa a través da xestión integral dos espazos mariños Natura 2000.
- Mellorar o coñecemento científico das poboacións de aves mariñas presentes no Golfo Ártabro e as ZEPA mariñas da provincia de A Coruña, e do seu estado de conservación.
- Identificar os principais impactos sobre as aves mariñas e os seus hábitas neste territorio.
- Avaliar a incidencia da mortalidade en artes de pesca e neste territorio.
- Propoñer medidas de conservación e xestión das poboacións de aves mariñas e dos seus hábitats.
- Coñecer e divulgar entre o colectivo de pescadores e a sociedade en xeral boas prácticas en materia de compatibilización de pesca e conservación de aves mariñas, así como a importancia da conservación da biodiversidade mariña.
- Facilitar a participación social, especialmente do sector pesqueiro, na toma de decisións sobre a xestión do medio mariño.
- Propoñer medidas de xestión integral do medio mariño neste territorio, en especial en relación ao tráfico marítimo, pesca e uso público.
2020-2021
- Bloque A. Mellora do coñecemento científico das aves mariñas do ámbito de estudo:
- Censos da poboación reprodutora de pardela cincenta, cormorán moñudo, paíño europeo e outras posibles especies de interese (gaivota patiamarela, gaivotón, gabita, gaivota escura).
- Seguemento do paso migratorio de aves mariñas, centrado fundamentalmente no paso postnupcial en Estaca de Bares.
- Análise do uso do espazo por parte das especies clave.
- Campaña de anelamento científico de gaivota patiamarela e cormorán moñudo, para avaliar as súas dinámicas poboacionais.
- Análise de variabilidade xenética de cormorán moñudo.
- Estudo da preseza de depredadores exóticos (gato, visón, rata) nas principais colonias de cría (rastrexo, fototrampeo...).
- Protección e consolidación de colonias de paíño europeo de menor tamaño (como A Marola) mediante a instalación de caixas niño e seguemento da súa ocupación.
- Bloque B. Identificación de impactos, ameazas e interaccións entre as aves mariñas e actividade socieconómico do territorio:
- Grupos de traballo para a identificación de impactos e ameazas.
- Seminario sobre a sostibilidade das actividades humanas nas ZEPA mariñas e litorais.
- Formación de voluntariado na realización de traballos de identificación de impactos no medio mariño e de censos dende embarcación.
- Bloque C. Interaccións entre actividade pesqueira e aves mariñas no territorio:
- Grupos de traballo sobre interaccións entre pesca e aves mariñas.
- Proceso participativo para o sector pesqueiro: reunións, encontros e enquisas.
- Embarques científicos a bordo de embarcacións de pesca para avaliar as técnicas de pesca empregadas e as interaccións existentes.
- Divulgación entre o sector das boas prácticas pesqueiras do territorio e mellora do coñecemento das aves mariñas coas que comparten espazo: edicións de materiais.
- Bloque D. Campaña divulgativa para a sociedade en xeral:
- Charlas divulgativas en distintos espazos e localidades do territorio.
- Bloque E. Conclusións e resultados:
16 setembro 2021. A poboación de gaivota redúcese nun 70 % na última década
Script modelado 3D
Acerca do Ceida
Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.
Castelo de Santa Cruz, s/n C.P. 15179 Liáns - Oleiros - A Coruña
981 630 618
981 614 443
ceida@ceida.org