Exposicións itinerantes

As exposicións itinerantes son ferramentas de divulgación que permiten ao CEIDA traspasar os muros da súa sede e chegar a toda a cidadanía galega, co fin de fomentar entre ela a importancia de loitar contra o cambio climático ou de axudar na conservación do patrimonio natural e cultural. Na actualidade, conta cun total de 12 mostras que cede en préstamo a todas aquelas institucións, centros educativos, concellos, asociacións ou colectivos interesados e que dispoñan dun espazo habilitado para a súa exhibición. 

Co fin de garantir a seguridade dos envíos, o persoal do CEIDA tomará todas as medidas necesarias de seguridade e prevención entre cada período de préstamo, habilitando un espazo nas súas instalacións para depositar en corentena as exposicións devoltas durante 14 días, de maneira que asegure a súa desinfección.