Conexións líquidas. Da poza ao océano (Programa Mundos Agochados)

A actividade CONEXIÓNS LÍQUIDAS. MUNDOS AGOCHADOS forma parte do programa de educación ambiental MUNDOS AGOCHADOS, que pretende achegar a natureza de proximidade ás contornas urbanas, promovendo o seu coñecemento, valoración e conservación. A través de diferentes hábitats —beiramares, rías, bosques e xardíns— propón descubrir a biodiversidade que nos rodea.

Está composto por sete actividades que combinan ciencia, cultura e educación ambiental en formatos diversos, desde percorridos guiados ata xogos colectivos. Tamén a literatura e a tradición oral como ferramentas para explorar a nosa relación coa natureza forman parte do mesmo. Un programa para comprender os grandes desafíos ambientais desde o local e gozar dos «mundos agochados» que existen ao noso redor.

• Aproveitar os recursos que ofrece o intermareal do Porto de Santa Cruz para o achegamento ás especies fascinantes que viven nel, e en xeral coñecer a importancia dos océanos para a alimentación, saúde, desenvolvemento local etc, a través do coñecemento dalgunhas especies presentes aquí.
• Recoñecer as múltiples adaptacións que teñen estas especies para vivir en contextos tan cambiantes, e como a humanidade aprendimos delas.
• Coñecer o valor económico, cultura, social, etc que o aproveitamento comercial do litoral supón para Galicia e que especies son as máis relevantes.
• Recoñecer problemáticas globais dos oceános a partir da realidade concreta deste intermareal: residuos mariños, contaminación, sobreexplotación, cambio climático, etc.
• Descubrir a evolución que esta zona tivo nas últimas decadas, o cambio de especies presentes nel, a problemática das especies invasoras, etc.

2 h.

Intermareal do Porto de Santa Cruz (Oleiros) e pode que ocasionalmente no intermareal da praia de Bastiagueiro Pequeno.