Operación Biodiversidade. Un plan segredo para a natureza (Programa Mundos Agochados)

A actividade OPERACIÓN BIODIVERSIDADE forma parte do programa de educación ambiental MUNDOS AGOCHADOS, que pretende achegar a natureza de proximidade ás contornas urbanas, promovendo o seu coñecemento, valoración e conservación. A través de diferentes hábitats —beiramares, rías, bosques e xardíns— propón descubrir a biodiversidade que nos rodea.

Está composto por sete actividades que combinan ciencia, cultura e educación ambiental en formatos diversos, desde percorridos guiados ata xogos colectivos. Tamén a literatura e a tradición oral como ferramentas para explorar a nosa relación coa natureza forman parte do mesmo. Un programa para comprender os grandes desafíos ambientais desde o local e gozar dos «mundos agochados» que existen ao noso redor.

• Coñecer a principal biodiversidade silvestre presente no parque Rosalía Mera e nas contornas urbanas galegas.
• Comprender, de forma lúdica e divertida , a través do formato de misión secreta, a importancia de conectar os espazos naturais urbanos para crear corredores ecolóxicos que favorezan a presenza de natureza nas nosas contornas urbanas, asi como coñecer o concepto de infraestrutura verde e de manexo ecolóxico.
• Relacionar as accións de renaturalización urbana, e de manexo ecolóxico, observadas no parque coa necesidade de adaptar as nosas vilas e cidades aos desafíos da emerxencia climática.
• Propoñer medidas de renaturalización que poderían desenvolver nas súas casas, rúas, colexios, etc.

1h.30 min.

Parque Rosalía Mera, Dorneda (Oleiros)