Plan B. Misión Climática en Oleiros (Programa Mundos Agochados)

A actividade PLAN B. MISIÓN CLIMÁTICA EN OLEIROS forma parte do programa de educación ambiental MUNDOS AGOCHADOS, que pretende achegar a natureza de proximidade ás contornas urbanas, promovendo o seu coñecemento, valoración e conservación. A través de diferentes hábitats —beiramares, rías, bosques e xardíns— propón descubrir a biodiversidade que nos rodea.

Está composto por sete actividades que combinan ciencia, cultura e educación ambiental en formatos diversos, desde percorridos guiados ata xogos colectivos. Tamén a literatura e a tradición oral como ferramentas para explorar a nosa relación coa natureza forman parte do mesmo. Un programa para comprender os grandes desafíos ambientais desde o local e gozar dos «mundos agochados» que existen ao noso redor.

• Recoñecer e analizar de forma crítica a través dun gran xogo grupal os principais impactos do cambio climático na beiramar galega, tanto a nivel fisico sobre as infraestruturas, como nos ecosistemas, o impacto social e económico,e incorporando tamén a necesaria perspectiva de xénero.
• Interpretar indicios xeolóxicos e vestixios paisaxísticos para diferenciar a variabilidade climática histórica das oscilacións aceleradas da actualidade.
• Investigar a vulnerabilidade do sector turístico e hostaleiro e da actividade marisqueira ante eventos climáticos extremos conectando o observación insitu con novas ambientais ao respecto.
• Adquirir consciencia e sensibilidade ante o impacto moito máis severo do cambio climático en rexións empobrecidas do mundo e a súa relación cos movementos migratorios, o diferente impacto de xénero etc.
• Xerar un espazo de seguridade onde a mocidade poda expresar emocións relativas a esta temática e analizar como estas nos levan ás veces á negación ou parálise ante unha circunstancia extrema destas magnitudes. 
• Promover o pensamento crítico e a comunicación das conclusións obtidas na actividade, fomentando a concienciación activa e a capacidade de propostas de adaptación e mitigación válidas para este espazo e extrapolables a moitos lugares de Galicia.

2h-2h.30 min.

Porto de Santa Cruz, Oleiros