-
centro de referencia para a educación ambiental en GaliciaCEIDA -
capacitar para a sostibilidade ambiental -
sensibilizar sobre os problemas ambientais -
coñecer para conservar o patrimonio natural -
divulgar o coñecemento ambiental
Encontros Biosfera: por un novo modelo alimentario: VII Aniversario da Reserva de Biosfera Mariñas Coruñesas e Terras do Mandeo
Actividade online, retransmitidos en directo a través da canle de Youtube do CEIDA:
https://www.youtube.com/ceidagalicia
- Reserva de Biosfera Mariñas Coruñesas e Terras do Mandeo
- CEIDA
A Reserva de Biosfera Mariñas Coruñesas e Terras do Mandeo (RB MCeTM) leva 4 anos impulsando un novo modelo alimentario baseado no produto local, de proximidade, ambientalmente respectuoso, e traballando coa comunidade escolar na incorporación de menús baseados na temporalidade dos alimentos e incremento de proteína vexetal, froitas e verdura. Este proxecto de Eco-Comedores, con máis de 2.500 escolares, é a ferramenta que se está a empregar para implantar paulatinamente ese modelo.
Neste contexto, xurden os Encontros Biosfera, como un foro de reflexión sobre os novos modelos alimentarios baseados nos produtos de proximidade, o consumo de tempada e a reducción da pegada climática na alimentación. A actividade, organizada para conmemorar o VII aniversario da Reserva de Biosfera Mariñas Coruñesas e Terras do Mandeo, estará formada por catro encontros virtuais, no que participarán expertos en alimentación sostible a nivel estatal e representantes da Reserva de Biosfera que traballan no ámbito local (científico, político, produtivo...), acompañados da xornalista María López Cedrón, coordinadora do programa Somos Agro, portal para o sector primario de La Voz de Galicia.
O ciclo tratará de responder á pregunta...
Debería ser a crise do COVID-19 unha oportunidade para reflexionar e mudar o modelo alimentario actual en Europa?
VENRES 5 DE XUÑO
CÁTEDRAS UNESCO COMO MOTOR DE CAMBIO
- D. F. Xabier Medina Luque. Profesor dos Estudos de Ciencias da Saúde da Universitat Oberta de Catalunya (UOC). Director da CÁTEDRA UNESCO de alimentación, cultura y desarrollo UOC. Director académico e de programas da Área de Coñecemento de sistemas alimentarios, cultura e sociedade da UOC.
- D. Miguel Fernández Pardo, responsable do programa EcoComedores da Reserva de Biosfera Mariñas Coruñesas e Terras do Mandeo, iniciativa que forma parte do Plan Alimentario da Reserva da Biosfera.
VENRES 12 DE XUÑO
NECESITAMOS UN NOVO MODELO ALIMENTARIO EN EUROPA? POR ONDE COMEZAMOS A APLICAR ESTE NOVO MODELO?
- Dna. Celsa Peiteado Morales, Responsable do Programa de Alimentos de WWF España, Coordinadora en España do Proxecto LiveWell for LIFE.
- Dra. Ángeles Romero, Catedrática Nutrición da Universidade de Santiago de Compostela e Membro Comité Científico da Reserva de Biosfera Mariñas Coruñesas e Terras do Mandeo.
VENRES 19 DE XUÑO
TRABALLANDO POR UN NOVO MODELO ALIMENTARIO
- D. Eduardo de Miguel Beascoechea, Director – Xerente da Fundación Global Nature.
- Dna. Bea Ferreira, Directora Escola Infantil A Caracola
VENRES 26 DE XUÑO
O VALOR DOS PRODUTOS LOCAIS
- D. Luis Paadín, Presidente da Asociación de Sumilleres Gallaecia.
- Dña. Cristina Bañobre, Daterra Do País, produtora da Marca Reserva de Biosfera Mariñas Coruñesas e Terras do Mandeo.
Script modelado 3D
Acerca do Ceida
Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.
Castelo de Santa Cruz, s/n C.P. 15179 Liáns - Oleiros - A Coruña
981 630 618
981 614 443
ceida@ceida.org