• centro de referencia para a educación ambiental en Galicia
    CEIDA
  • capacitar para a sostibilidade ambiental
  • sensibilizar sobre os problemas ambientais
  • coñecer para conservar o patrimonio natural
  • divulgar o coñecemento ambiental

Novas actividades no programa educativo 'Para unha Transición Ecolóxica'

Vostede está aquí

Novas actividades no programa educativo 'Para unha Transición Ecolóxica'

Novas actividades no programa educativo 'Para unha Transición Ecolóxica'

Renovamos e ampliamos o Programa ‘Para unha Transición Ecolóxica’, desenvolvido xunto á Deputación da Coruña, con novas actividades educativas dentro da oferta dirixida aos centros de ensino da provincia da Coruña. O obxectivo fundamental é traballar co alumnado sobre tres temáticas ambientais fundamentais dos nosos tempos, de cara ó seu coñecemento e sensibilización: o lixo mariño, a emerxencia climática e os espazos naturais protexidos.

  • LIXO MARIÑO

A sociedade de consumo na que estamos a vivir leva da man unha inxente xeración de residuos, intolerable para o noso planeta. Esta vertente de traballo pretende que a comunidade escolar recoñeza as consecuencias derivadas deste problema ambiental, recapacite e comprenda que con pequenos xestos no noso día a día podemos influír positivamente na redución dos residuos que xeramos de cara a un futuro sustentable. Este programa inclúe charlas nos centros educativos, limpezas de praia e obradoiros.

Máis información: http://www.ceida.org/gl/educacion-e-divulgacion/lixo-marino-programa-para-unha-transicion-ecoloxica

  • EMERXENCIA CLIMÁTICA

O obxectivo desta vertente de traballo é concienciar dende as bases sobre o futuro que nos agarda de non combater a emerxencia climática que estamos a vivir, aportando coñecemento sobre ela e traballando sobre que se está a facer e que podemos facer nós como cidadáns. Este programa inclúe charlas nos centros educativos e obradoiros.

Máis información: http://www.ceida.org/gl/educacion-e-divulgacion/emerxencia-climatica-programa-para-unha-transicion-ecoloxica

  • ESPAZOS NATURAIS PROTEXIDOS DA PROVINCIA DA CORUÑA

Co fin de poñer en valor a importancia do patrimonio natural e cultural de Galicia e establecer vínculos afectivos co medio, o programa inclúe charlas e roteiros guiados polos parques naturais e a reserva de biosfera da provincia da Coruña: o parque natural de Corrubedo e Lagoas de Carregal e Vixán, as Fragas do Eume e a Reserva da Biosfera Mariñas Coruñesas e Terras do Mandeo.

Máis información: http://www.ceida.org/gl/educacion-e-divulgacion/parques-naturais-e-reserva-de-biosfera-da-provincia-da-coruna-programa-para

As solicitudes deberán enviarse a través dos formularios dispoñibles na páxina web.

Se desexa ampliar información co equipo educativo do CEIDA, pode contactar en:  educacion@ceida.org  -  981 630 618

 

CEIDA, Centro de Extensión Universitaria e Divulgación Ambiental de Galicia
Universidade da Coruña
Xunta de Galicia
Concello de Oleiros

Acerca do Ceida

Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.

Castelo de Santa Cruz, s/n C.P. 15179 Liáns - Oleiros - A Coruña
 981 630 618
 981 614 443
ceida@ceida.org

Suscríbete ás nosas novas

Políticas do sitio