-
centro de referencia para a educación ambiental en GaliciaCEIDA -
capacitar para a sostibilidade ambiental -
sensibilizar sobre os problemas ambientais -
coñecer para conservar o patrimonio natural -
divulgar o coñecemento ambiental e fomentar a lectura verde
Afronta o Reto: Loita contra a Emerxencia Climática (Programa Para unha Transición Ecolóxica)
- CEIDA
- Deputación da Coruña
A emerxencia climática é probablemente un dos maiores retos ao que nos temos que enfrontar. Xa estamos a comprobar como se están a cumprir os peores escenarios previstos hai tempo pola comunidade científica. En resposta a este consenso, en xaneiro de 2020 o goberno declarou a Emerxencia Climática como punto de inflexión para posta en marcha de accións que permitan avanzar na redución, mitigación e na inevitable adaptación aos escenarios climáticos actuais.
O programa “Para unha Transición Ecolóxica”, desenvolvido co apoio da Deputación da Coruña, achega á mocidade participante a realidade científica que hai detrás da Emerxencia Climática, para mobilizala como axentes actuais e no futuro a prol dunha humanidade que loita e coida por todas as formas de vida.
- Entender as problemáticas das cales deriva a emerxencia climática e como esta nos afecta.
- Dar a coñecer os escenarios futuros nos que nos poderiamos atopar de non comezar a actuar de contado.
- Coñecer as ferramentas que posuímos para mitigalo e revertelo individualmente e como sociedade.
Alumnas e alumnos de último ciclo de Educación Primaria (5º e 6º) e alumnado de todos os ciclos de Educación Secundaria Obrigatoria (1º-4º ESO), Bacharelato e Formación Profesional de toda a provincia da Coruña.
Para os centros educativos de fóra da provincia da Coruña, consultar as condicións e disponibilidade co equipo educativo do CEIDA: educacion@ceida.org
O programa inclúe dúas sesións coas seguintes actividades:
- Primeira sesión:
- Actividade no centro educativo sobre a problemática da emerxencia climática. Presentación breve onde se expón de maneira sinxela e amena as causas e consecuencias do cambio climático, as súas evidencias en Galicia, adquirir conciencia do noso impacto persoal e como podemos adaptarnos ou tentar mitigar os seus efectos.
- Duración: 50 minutos.
- Segunda sesión:
- Actividade práctica de reflexión colectiva sobre a nosa pegada ecolóxica e sobre as vías de participación e actuación cidadá, nomeadamente da mocidade, no contexto da emerxencia climática que vivimos.
- Duración: 50 minutos.
- Todo está conectado:
- A terra é un enorme invernadoiro, que é o cambio climático?
- Clima e medio ambiente van da man.
- O equilibrio do planeta está roto.
- A Terra quéntase cada vez máis:
- Na escala temporal do planeta, isto comezou "onte".
- A cantidade de gases de efecto invernadoiro é alarmante.
- Vai máis calor ca nunca.
- Pero... que causa este efecto invernadoiro que nos leva a que o clima mude?
- As consecuencias dunha terra máis quente e contaminada:
- Vento, tormentas, furacáns e cidades – asador.
- Desaparición de especies, escaseza de alimentos... disto fálase pouco!
- E en Galicia... aféctanos?
- Evidencias de que as cousas non van ben. Que impactos podería ter isto? Corrubedo desaparecería...
- Predicións climáticas: na nosa man está coller o bo camiño.
- Ás persoas tamén nos afecta.
- Cada minuto perde o planeta.
- Cambio climático + degradación de ecosistemas + sobreexplotación + ... + ... + ... = Emerxencia climática.
- Que podemos facer para mitigalo?
- Non nos poñamos escusas!
- Está en xogo o noso benestar.
- Que podes facer ti? Precisamos un cambio social.
- Curso 2025-206:
- As reservas poden realizarse para o período de setembro a decembro de 2025.
- Para as actividades de xaneiro a xuño de 2026 abrirase o seu prazo de solicitude correspondente.
- A realización das mesmas é gratuita para todos os centros educativos, agás os gastos de transporte que corren a cargo do centro solicitante.
- Exposición itinerante "Emerxencia climática, feitos e datos” + unidade didáctica asociada á mesma, dispoñible en préstamo. Máis información
- Guía de Recursos Educativos sobre Emerxencia climática, elaborada pola Biblioteca e Centro de Documentación Ambiental do CEIDA, xunto á Rede de Centros de Información e Documentación Ambiental de todo o estado (RECIDA). Edición 2021. Descargar guía
- Guía de Recursos Educativos sobre Emerxencia climática, elaborada pola Biblioteca e Centro de Documentación Ambiental do CEIDA, xunto á Rede de Centros de Información e Documentación Ambiental de todo o estado (RECIDA). Edición 2024. Descargar guía
- As solicitudes realizaranse a través do formulario.
- Máis información sobre este programa: educacion@ceida.org - 981 630 618
Script modelado 3D
Acerca do Ceida
Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.
Castelo de Santa Cruz, s/n C.P. 15179 Liáns - Oleiros - A Coruña
981 630 618
981 614 443
ceida@ceida.org